غزہ میں اسپتال حملے پر امریکا کے بعد برطانیہ بھی اسرائیل کی حمایت میں سامنے آگیا

غزہ میں اسپتال پر اسرائیل کے خوفناک حملے پر امریکا کے بعد برطانیہ بھی اسرائیل کی حمایت میں سامنے آگیا۔

امریکی صدر جو بائیڈن کے بعد برطانوی وزیراعظم رشی سونک نے بھی اسپتال پر حملے کی ذمہ داری غزہ سے فائر کیے گئے میزائل پر ڈال دی ہے۔

اس سے پہلے امریکی صدر جو بائیڈن کہہ چکے ہیں کہ ال اہلی اسپتال پر حملہ اسرائیل نے نہیں دوسرے فریق نے کیا۔

غزہ کے اسپتال پر اسرائیل کی بمباری، 500 سے زائد فلسطینی شہید

فلسطینی وزارت صحت کے مطابق اسرائیلی طیاروں نے وسطی غزہ میں موجود اسپتال کو نشانہ بنایا جس میں 600 سے زائد افراد زخمی بھی ہوئے ہیں

برطانوی پارلیمنٹ سے خطاب میں غزہ کے ال اہلی اسپتال حملے پر وزیراعظم رشی سونک کا کہنا تھا کہ برطانوی حکومت کا اندازہ ہے کہ دھماکا میزائل کی وجہ سے ہوا، میزائل غزہ سے اسرائیل کی طرف فائر کیا گیا تھا۔

انہوں نے کہا کہ اس حادثے کی غلط رپورٹنگ نے خطے میں منفی اثرات مرتب کیے، خصوصاً امریکا کی سفارتی کوششوں کو نقصان پہنچا۔

فلسطینی وزارت صحت کے مطابق 18 اکتوبر کو غزہ کے ال اہلی اسپتال پر اسرائیلی حملے سے 471 افراد شہید ہوئے تھے۔

برطانوی وزیر اعظم رشی سونک نے غزہ کے عوام کیلئے 20 ملین پاؤنڈ کی اضافی امداد کا اعلان بھی کیا، رشی سونک نے علاقائی استحکام، اسرائیل، حماس تنازع ختم کرانے اور دو ریاستی حل پر کام کرنے کی ضرورت پر بھی زور دیا۔