26 اکتوبر ، 2023 
پاکستان ٹیم کو دھچکا: حسن علی بخار میں مبتلا، جنوبی افریقا کیخلاف میچ سے باہر
26 اکتوبر ، 2023
پاکستان کرکٹ ٹیم کی مشکلات میں اضافہ ہوگیا، فاسٹ بولر حسن علی بخار میں مبتلا ہونے کی وجہ سے کل جنوبی افریقا کے خلاف میچ سے باہر ہوگئے۔
ذرائع کے مطابق حسن علی آج ٹیم کے پریکٹس سیشن میں بھی شریک نہیں ہوئے تھے۔
تاہم اب پی سی بی کے مطابق حسن علی کل جنوبی افریقا کے خلاف میچ نہیں کھیلیں گے۔انہیں بخار کی وجہ سے آرام دیا جائے گا۔
ذرائع کا کہناہے کہ حسن علی کی جگہ کل جنوبی افریقا کے خلاف محمد وسیم جونیئر کو ٹیم میں شامل کیے جانے کا امکان ہے۔
واضح رہے کہ ورلڈکپ ٹورنامنٹ میں پاکستان ٹیم 14 اکتوبر کو بھارت، 20 اکتوبر کو آسٹریلیا اور پھر 23 اکتوبر کو افغانستان سے شکست کے بعد ورلڈکپ سیمی فائنل میں کوالیفائی کرنے کے راستے دشوار کر چکی ہے۔
پاکستان اب 27 اکتوبر کو اپنا اگلا میچ چنئی کے چدم برم اسٹیڈیم میں میگا ایونٹ کی مضبوط ترین ٹیم جنوبی افریقا کے خلاف کھیلے گا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
