01 نومبر ، 2023 
ظہیر عباس ورلڈکپ کے دوران انضمام کے استعفے پر حیران
01 نومبر ، 2023
پاکستان کرکٹ ٹیم کے ماضی کے اسٹار بیٹر ظہیر عباس نے کہا ہے کہ ورلڈ کپ کے موقع پر چیف سلیکٹر کو استعفیٰ نہیں دینا چاہیے تھا۔
جیو نیوز کے پروگرام جیو پاکستان میں گفتگو کرتے ہوئے ظہیر عباس نے کہا کہ دنیا میں ایسی مثال نہیں ملتی کہ ٹیم ورلڈکپ کھیلنے گئی ہو اور کسی نے استعفیٰ دیا ہو۔
انہوں نے کہا اس کا مطلب یہی ہے کہ کوئی بات چیف سلیکٹر کے دماغ میں تھی جو انہوں نے اتنے اہم موقع پر اپنا استعفیٰ دیا۔
سابق کرکٹر کا کہنا تھا کہ پاکستان ٹیم کی پرفارمنس بھارت سے ہارنے کے بعد گرگئی، ڈپارٹمنٹل کرکٹ بہت ضروری تھی، اسے تباہ کردیا گیا ہے۔
ظہیر عباس نے کہا سمجھ سے باہر ہے کہ نمبر ون رہنے والی ٹیم اس قسم کی کارکردگی دکھا رہی ہے، پہلے بھی یہ ہی دیکھا کہ ٹیم بھارت سے شکست کے بعد بری پرفارمنس دینے لگی تو یہ کپتان اور کوچ کا کام ہے کہ لڑکوں کے حوصلے بلند کریں۔
انہوں نے مزید کہا کہ کرکٹ کے ایڈمنسٹریٹر ایسے لوگ آتے ہیں یا تو جنہیں کرکٹ کی سمجھ نہیں یا جو سیاست میں ہوں، آرگنائزر کو کرکٹ کی سمجھ نہیں پھر رزلٹ تو یہی آئے گا، کرکٹ منظور نظر لوگوں کے ہاتھ ہوگی تو نقصان ہوتا رہے گا۔
سابق کرکٹر کا کہنا تھا کہ لوگ کرکٹ کے پیچھے پڑے ہیں کہ اسے تباہ کردیا جائے، خدا کے واسطے کرکٹ اسپورٹس مین کو دو۔
مزید خبریں :
بابر اعظم نے ایک اور اعزاز اپنے نام کرلیا
60 منٹ پہلے
باکسنگ ڈے ٹیسٹ میچ کے پیچھے کہانی کیا ہے؟
8 گھنٹے پہلے
بھارتی کرکٹر کے ہاں بیٹے کی پیدائش
25 دسمبر ، 2024
چیمپئنز ٹرافی کی میزبانی کیلئے بہت پرجوش ہیں: محمد رضوان
25 دسمبر ، 2024
