04 نومبر ، 2023 
46 چوکے 8 چھکے، کیویز کا لاٹھی چارج، پاکستان کیخلاف سب سے بڑا اسکور کھڑا کردیا
04 نومبر ، 2023
نیوزی لینڈ نے ورلڈکپ میں پاکستان کے خلاف کسی بھی ٹیم کا سب سے بڑا اسکور بنادیا۔
آئی سی سی ورلڈکپ کے 35 ویں میچ میں کپتان بابراعظم نے ٹاس جیت کر نیوزی لینڈ کو بیٹنگ کی دعوت دی تو کیوی بیٹر پاکستانی بولرز پر قہر بن کر ٹوٹ پڑے۔
نیوزی لینڈ کی پہلی وکٹ 68 رنز پر گری جس کے بعد ولیمسن اور رچن رویندرا نے پاکستانی بولرز کی خوب درگت بنائی اور چھکے چوکوں کی برسات کردی۔
رچن رویندرا نے شاندار ابیٹنگ کا مظاہرہ کرتے ہوئے سنچری اسکور کی جب کہ ولیمسن 95 پر پویلین لوٹ گئے۔
اس کے بعد آنے والے بیٹرز نے بھی بولرز کی ایک نہ چلنے دی اور جم کر پٹائی کی جس میں پاکستان کی طرف سے شاہین کو 10 اوورز میں 90 رنز پڑے اور وہ پاکستان کی طرف سے ورلڈکپ میں مہنگے ترین بولر بن گئے۔
شاہین کے بعد حارث رؤف نے سب سے زیادہ 10 اوور میں 85 رنز دیے۔
نیوزی لینڈ نے ورلڈکپ میں پاکسان کے خلاف کسی بھی ٹیم کا سب سے بڑا اسکور بنادیا۔
نیوزی لینڈ نے ورلڈکپ کے اہم میچ میں پاکستان کو جیت کےلیے 402 رنز کا ہدف دیا جس میں 46 چوکے اور 8 چھکے شامل تھے۔
نیوزی لینڈ نے ورلڈکپ کے ایک میچ میں سب سے زیادہ چوکوں کا ریکارڈ بھی بنایا اس سے قبل جنوبی افریقا نے سری لنکا کےخلاف اس ہی ایونٹ میں 45 چوکے لگائے تھے۔
اس سے قبل اسی میدان میں آسٹریلیا نے پاکستان کے خلاف 367 رنز بنائے تھے اور 10 اکتوبر کو سری لنکا نے پاکستان کے خلاف 344 رنز بنائے تھے۔
مزید خبریں :
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
