09 نومبر ، 2023 
چاہتا ہوں پاکستان ورلڈکپ سیمی فائنل کیلئے کوالیفائی کرے: سارو گنگولی
09 نومبر ، 2023
سابق بھارتی کپتان سارو گنگولی نے پاکستان کرکٹ ٹیم کے سیمی فائنل میں کھیلنے کی خواہش کا اظہار کیا ہے۔
بھارتی ٹی وی کے ایک پروگرام میں اپنے خیالات کا اظہار کرتے ہوئے سارو گنگولی نے کہا کہ میں چاہتا ہوں پاکستان سیمی فائنل کے لیے کوالیفائی کرے ، پاکستان اور انڈیا کے درمیان سیمی فائنل سے بڑا کوئی اور میچ نہیں ہو سکتا۔
سارو گنگولی کا کہنا تھا کہ بھارتی ٹیم اگرچہ ورلڈ کپ میں شاندار کھیل رہی ہے لیکن ورلڈ کپ نہ جیتا تو ان کے لیے حیران نہیں ہوں گا۔
سابق کپتان کا مزید کہنا تھا کہ کھیل میں کچھ بھی ممکن ہے، بھارتی ٹیم کی کارکردگی اتنی تیزی سے نہیں گرے گی۔
انہوں نے یہ بھی کہا کہ بھارتی ٹیم پورے ورلڈ کپ میں بہت شاندار دکھائی دے رہی ہے، بھارتی ٹیم اسی طرح کھیل جاری رکھے گی۔
واضح رہے کہ اگر پاکستان سیمی فائنل میں پہنچا تو اس کا مقابلہ بھارت سے ہوگا، پاکستان کے سیمی فائنل میں پہنچنے کے لیے آج سری لنکا کو نیوزی لینڈ کو شکست دینا ہوگی یا یہ میچ ڈراپ ہوکر دونوں ٹیموں کو ایک ایک پوائنٹ ملے۔
اس کے علاوہ پاکستان کو انگلینڈ کو بھی ہرانا ہوگا، یہ مقابلہ ہفتہ 11 نومبر کو ہونا ہے۔
مزید خبریں :
آئی سی سی چیمپئنز ٹرافی کا ممکنہ شیڈول سامنے آگیا
5 گھنٹے پہلے
