Time 15 نومبر ، 2023
پاکستان

اسلام آباد ہائیکورٹ میں وکلا کیلئے گاؤن پہننا لازمی قرار

چیف جسٹس اسلام آباد ہائیکورٹ نے 15 نومبر سے تمام وکلا کیلئے گاؤن پہن کر پیش ہونا لازمی قرار دیدیا۔ فوٹو فائل
چیف جسٹس اسلام آباد ہائیکورٹ نے 15 نومبر سے تمام وکلا کیلئے گاؤن پہن کر پیش ہونا لازمی قرار دیدیا۔ فوٹو فائل 

اسلام آباد ہائیکورٹ میں 15 نومبر سے عدالت میں کیس کے لیے پیش ہونے والے وکلا کے لیے گاؤن پہننا لازمی قرار دے دیا گیا۔

اسلام آباد ہائیکورٹ میں سینئر وکیل اور ڈپٹی اٹارنی جنرل بغیر گاؤن پہنے روسٹرم پر آئے جس پر  چیف جسٹس عامر فاروق نے دوران سماعت وکلاء سے مکالمہ کرتے ہوئے کہا معذرت کے ساتھ آپ لوگوں کو ہائیکورٹ کے احکامات کا پتہ نہیں ہے۔

چیف جسٹس اسلام آباد ہائیکورٹ نے استفسار کیا کہ آپ سینئر وکیل ہیں اور  ایک ڈپٹی اٹارنی جنرل بھی ہیں لیکن دونوں بغیر گاؤن کے؟ 

دوران سماعت وکلاء نے اپنے رویے پر معذرت کرتے ہوئے کہا کہ آئندہ گاؤن پہن کر عدالت پیش ہوں گے۔

چیف جسٹس اسلام آباد نے کہا کہ 15 نومبر سے عدالت پیش ہونے پر گاؤن پہننا لازمی قرار دیا گیا ہے، خود بھی گاؤن پہنیں اور جنہوں نے نوٹیفکیشن نہیں دیکھا انہیں بھی آگاہ کریں۔

مزید خبریں :