17 نومبر ، 2023 
پاکستان
نیب کی تین رکنی ٹیم نے چیئرمین پی ٹی آئی سے تفتیش کی اور یہ تفتیش ڈھائی گھنٹے تک جاری رہی: جیل ذرائع— فوٹو:فائل
190 ملین پاؤنڈ اسکینڈل کیس، نیب کی جیل میں عمران خان سے دوبارہ تفتیش
17 نومبر ، 2023
قومی احتساب بیورو (نیب) نے 190 ملین پاؤنڈ اسکینڈل کیس میں اڈیالا جیل میں قید پاکستان تحریک انصاف (پی ٹی آئی) کے چیئرمین عمران خان سے تفتیش کی ہے۔
جیل ذرائع کے مطابق نیب کی تین رکنی ٹیم نے چیئرمین پی ٹی آئی سے تفتیش کی اور یہ تفتیش ڈھائی گھنٹے تک جاری رہی۔
جیل ذرائع کا کہنا ہے کہ نیب ٹیم میں سردار مظفر، محسن ہارون اور اویس شامل تھے۔
جیل ذرائع کا بتانا ہے کہ نیب ٹیم نے عدالتی احکامات پر 15 نومبر کو جیل میں تفتیش کا آغاز کیا تھا اور نیب ٹیم چیئرمین پی ٹی آئی سے تفتیش کے بعد اڈیالا جیل سے روانہ ہوگئی۔
خیال رہے کہ اسلام آباد کی احتساب عدالت نے نیب کو عمران خان سے جیل میں تفتیش کی اجازت دے رکھی ہے اور نیب ٹیم پہلے بھی ان سے تفتیش کرچکی ہے۔
