فلسطین: قبل از وقت پیدا ہونیوالے نوزائیدہ بچوں کی موت پر ارمینا خان رو پڑیں

اسرائیل کی فلسطین پر بربریت جاری ہے اور  اب حال ہی میں مسلسل بمباری کے باعث غزہ کے الشفاء اسپتال میں قبل از وقت پیدا ہونے والے درجنوں نوزائیدہ بچے موت کے منہ میں چلے گئے۔

سوشل میڈیا پر حال ہی میں سامنے آنے والی خبر جس میں بتایا گیا کہ غزہ میں پیدائش سے قبل ہی کچھ ننھی جانیں انتقال کرگئیں۔

اس خبر نے ناصرف کئی سوشل میڈیا صارفین کے دل چیر دیے بلکہ اداکارہ ارمینا رانا خان جو گزشتہ کئی عرصے سے غزہ کے مظلوموں کے خلاف آواز اٹھا رہی ہیں، وہ بھی یہ دیکھ کر آنسوؤں پر قابو نہ پاسکیں۔

اداکارہ نے انسٹاگرام پر شیئر کردہ ویڈیو کے کیپشن میں لکھا کہ ’قبل از وقت پیدا ہونے والے بچوں کے بارے سن کر میں اپنا دکھ بیان نہیں کرسکتی، ایسا لگ رہا ہے کہ میری دنیا اچانک پلٹ گئی ہے اور میں کوئی ڈراؤنا خوب دیکھ رہی ہوں، میں ہر دن کسی کی مدد کرنے یا اچھا کام کرنے کی کوشش کرتی ہوں لیکن میری انسانیت سے امید ختم ہونا شروع ہوگئی ہے ’۔

الشفا اسپتال اسرائیلی فوج کا بیرک بن گیا، مزید 4 نوزائیدہ انتقال کرگئے، شہدا کی تعداد 12 ہزار سے متجاوز

اسرائیل نے غزہ میں صابرہ علاقے پر بمباری کی جس میں سے درجنوں افراد شہید ہوگئے جب کہ اقوام متحدہ کے زیر انتظام الفلاح اسکول پر بمباری میں کئی پناہ گزین شہید ہوگئے۔

ارمینا نے آبدیدہ ہوتے ہوئے کہا کہ ’یہ سوچ کر بھی دل دہل جاتا ہے کہ ان روتے ہوئے بچوں کو تسلی دینے والا یا پیار کرنے والا کوئی نہیں ہے، ایک انسان ہونے کے ناطے یہ سب دیکھ کر میں اندر سے ٹوٹ چکی ہوں‘۔

انہوں نے بتایا کہ جب انہیں غزہ کے بچوں کے بارے میں خبر ملی تو وہ ٹوٹ گئی تھیں۔

اداکارہ نے بچوں کے لیے دعا کرتے ہوئے کہا کہ ’کاش کوئی معجزہ ہوجائے، پلیز ان معصوم لوگوں کی مدد کریں، ان چھوٹے بچوں پر کچھ رحم کریں، انہوں نے کچھ غلط نہیں کیا‘۔

اسرائیل کی الشفا اسپتال میں تباہی کے بعد جنین کا ابن سینا اسپتال خالی کرنے کاحکم

اسرائیلی افواج کی جانب سے جنین کے ابن سینا اسپتال کا گھیراؤ کرکے طبی عملے کی گرفتاری کی بھی اطلاعات سامنے آ رہی ہیں۔

واضح رہے کہ شمالی غزہ کی پٹی میں انڈونیشیا اسپتال کے آس پاس بھی بمباری کی جارہی ہے، اسرائیل نے غزہ میں صابرہ علاقے پر بمباری کی جس میں سے درجنوں افراد شہید ہوگئے جب کہ اقوام متحدہ کے زیر انتظام الفلاح اسکول پر بمباری میں کئی پناہ گزین شہید ہوگئے۔

الوفا اسپتال پر اسرائیلی طیاروں کی بمباری سے سےڈائریکٹر شہید اورکئی ڈاکٹر زخمی ہوئے، القصاصیب علاقے میں گھر پر بم پھینکا گیا جس میں تین بہنیں شہید ہوئیں۔

فلسطینی حکام کا کہنا ہے کہ قبل از وقت پیدا ہونے والے4 بچے انتقال کرگئے، نوزائیدہ بچوں کو غزہ سے باہر لے جانے کا مؤثر طریقہ کار موجود نہیں ہے، الشفا کمپلیکس قابض اسرائیلی فوج کے لیے بیرک بن گئی ہے۔