18 نومبر ، 2023 
مدرسے میں طلبہ سے زیادتی کیس میں گرفتار دونوں ملزمان کا 4 روزہ جسمانی ریمانڈ منظور
18 نومبر ، 2023
چکوال کے مدرسے میں کئی طلبہ سے مبینہ زیادتی کیس میں گرفتار دونوں ملزمان 4 روزہ جسمانی ریمانڈ پر پولیس کےحوالے کردیےگئے۔
جوڈیشل مجسٹریٹ کی عدالت میں تفتیشی افسر تھانہ صدر نے دونوں ملزمان کے 5 روزہ جسمانی ریمانڈ کی استدعا کی۔
تفتیشی افسر کا کہنا تھا کہ ملزمان کا ڈی این اے میچ کروانا ہے، مدرسے کے سی سی ٹی وی ویڈیو کا بھی فرانزک کروانا ہے۔
عدالت نے ملزمان انیس اور ذیشان کو 4 روزہ جسمانی ریمانڈ پر پولیس کے حوالے کردیا۔
دونوں ملزمان کو 23 نومبر کو جوڈیشل مجسٹریٹ کی عدالت میں دوبارہ پیش کرنےکا حکم بھی دیا گیا ہے۔
پولیس کا کہنا ہےکہ جنسی زیادتی کی تصدیق کے لیے ملزمان کے ڈی این اے سیمپل فرانزک لیبارٹری بھجوا دیےگئے ہیں، ملزمان نے نازیبا حرکات اور تشدد کا اقرار کیا ہے تاہم جنسی زیادتی کا الزام مستردکیا ہے۔
پولیس کے مطابق ایک متاثرہ بچے کے والد کی مدعیت میں تھانہ صدر میں اساتذہ کے خلاف مقدمہ درج کروایا گیا جس میں مدعی نے بتایا کہ اس کا 12 سال کا بیٹا کافی دنوں سے پریشان تھا، پوچھنے پر بیٹے نے بتایا کہ اسے استاد کی جانب سے زیادتی کا نشانہ بنایا گیا۔
ایف آئی آر کے مطابق بچے نے بتایا کہ مدرسے کے دو اساتذہ نے اسے زیادتی کا نشانہ بنایا، بچے نے بتایا کہ دو اساتذہ نے متعدد بچوں کے ساتھ زیادتی کی اور جسم پر چھری سے نشان بھی بنائے۔
مقامی اسپتال نے بھی اس بات کی تصدیق کی ہے کہ بچوں کے جسم پر چھری سے نشانات بنائے گئے ہیں۔
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
