مظفر گڑھ جیل میں فلمی سین، چوری کا ملزم ٹرک کے نیچے لٹک کر فرار
19 نومبر ، 2023
جنوبی صوبہ پنجاب کے ضلع مظفر گڑھ کی ڈسٹرکٹ جیل سے چوری کا ملزم ٹرک کے نیچے لٹک کر فرار ہو گیا۔
پولیس کے مطابق ملزم الطاف حسین کو چوری کے الزام میں 14 نومبرکو ڈسٹرکٹ جیل منتقل کیاگیا تھا۔
پولیس نے بتایا کہ ملزم الطاف حسین ڈسٹرکٹ جیل میں آئے آٹے کے ٹرک کے نیچے لٹک کر فرار ہو گیا تاہم بعد ازاں ملزم کو دوبارہ حراست میں لے لیا گیا۔
پولیس کا کہنا ہے کہ چوری کے ملزم کے فرار ہونے کے جرم میں ملزم اور جیل عملے کے خلاف مقدمہ درج کر لیا گیا ہے۔
