03 دسمبر ، 2023 
یمن کے حوثی گروپ کا بحیرہ احمر میں اسرائیلی جہازوں پر حملوں کا دعویٰ
03 دسمبر ، 2023
یمن کے حوثی گروپ نے بحیرہ احمر میں اسرائیلی جہازوں پر حملوں کا دعویٰ کیا ہے۔
اتوار کو امریکی محکمہ دفاع پینٹاگون نے بیان جاری کرتے ہوئے بتایا تھا کہ بحیرہ احمر میں امریکی جنگی جہاز اور دیگر تجارتی بحری جہازوں پر حملے ہوئے ہیں۔
غیر ملکی میڈیا رپورٹ کے مطابق پینٹاگون کی جانب سے جاری بیان میں کہا گیا ہے کہ اتوار کو بحیرہ احمر میں ایک امریکی جنگی بحری جہاز اور متعدد تجارتی بحری جہازوں پر حملہ کیا گیا، جو اسرائیل اور حماس کی جنگ سے منسلک مشرق وسطیٰ میں سمندری حملوں میں ممکنہ طور پر ایک بڑے اضافے کی نشاندہی کرتا ہے۔
پینٹاگون کے بیان کہا گیا کہ بحیرہ احمر میں ہوئےحملوں سے آگاہ ہیں مزید تفصیلات آنے پر شیئر کریں گے۔
بعد ازاں یمن کے حوثی گروپ کی جانب سے بیان جاری کیا گیا جس میں کہا گیا کہ بحیرہ احمر میں 2 اسرائیلی بحری جہازوں کو نشانہ بنایا ہے۔
حوثی گروپ نے کہا کہ بحیرہ احمر میں ایک اسرائیلی جہاز پر میزائل حملہ اور دوسرے پر ڈرون حملہ کیا گیا۔
اس سے قبل برطانوی فوج نے بھی بغیر کسی تفصیلات بتائے کہا تھا کہ بحیرہ احمر میں بحری جہازوں پر ڈرون حملہ اور دھماکے ہوئے ہیں۔
پینٹاگون نے اس بات کی نشاندہی نہیں تھی کی کہ حملے کس مقام پر ہوئے، البتہ حوثی باغی کی جانب سے بحیرہ احمر میں بحری جہازوں پر حملے کیے جارہے ہیں۔
غیر ملکی میڈیا رپورٹ کے مطابق ایک امریکی اہلکار نے نام ظاہر نہ کرنے کی شرط پر انٹیلی جنس معاملات پر بات کرتے ہوئے کہا تھا کہ حملے صبح تقریباً 10 بجے یمن کے شہر صنعاء میں ہوئے اور تقریباً پانچ گھنٹے تک جاری رہے۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
غزہ پر اسرائیلی بمباری سے مزید 38 فلسطینی شہید
23 نومبر ، 2024
