حارث، اسامہ اور زمان خان کو آسٹریلوی لیگ کھیلنےکیلئے این او سی مل گیا

پاکستان کرکٹ بورڈ (پی سی بی) نے تین پلیئرز کو  آسٹریلوی لیگ  بگ بیش لیگ (بی بی ایل) کے لیے این او سی جاری کردیا۔

پی سی بی نے اسامہ میر، حارث رؤف اور  زمان خان کو بی بی ایل کے لیے این او سی جاری کیا ہے۔

کھلاڑیوں کو مکمل ایونٹ کے بجائے محدود میچز کے لیے این او سی دیا گیا ہے۔

پی سی بی کا کہنا ہےکہ  این او سی پلیئرز کے ورک لوڈ  اور  مستقبل کو دیکھ کر جاری کیا گیا ہے۔

حارث رؤف کو  اور  اسامہ میر کو  پانچ ، پانچ میچز کا این او سی دیا گیا ہے جب کہ  زمان خان کو چار  میچز کے لیے این او سی جاری کیا گیا ہے۔

قومی کرکٹرز کو7 سے 28 دسمبر کے درمیان کا این او سی جاری کیا گیا ہے۔

خیال رہے کہ  قومی ٹیم اس وقت 3 ٹیسٹ میچز کی سیریز کے لیے آسٹریلیا میں موجود ہے۔

حارث رؤف نے خود کو ٹیسٹ کھیلنے سے دستبردار  کرلیا تھا۔

دورہ آسٹریلیا کے لیے قومی اسکواڈ کا اعلان کرتے ہوئے چیف سلیکٹر وہاب ریاض نے بتایا  تھا کہ فاسٹ بولر حارث رؤف نے خود کو ٹیسٹ کھیلنے سے دستبردار کیا ہے، ہم نے حارث رؤف کو ہر ممکن سہولیات دینے کی کوشش کی اور دورے کے لیے حارث رؤف سے بات ہوئی تھی، فزیو نے بتایا کہ آگے جا کر فٹنس کا ایسا کوئی ایشو نہیں ہے لیکن حارث نے خود دورے پر جانے سے انکار کیا۔

حارث رؤف اپنے اوپر ہونیوالی غیر منصفانہ تنقید سے بہت پریشان ہیں: خاندانی ذرائع

حارث کا خیال تھا کہ انہیں ٹیسٹ اور دیگر بین الاقوامی ٹورنامنٹس کے لیے جسمانی اور ذہنی طور پر تیار رہنے کے لیے کھیل کے مختصر ورژن (ٹی ٹوئنٹی) پر توجہ دینی چاہیے: خاندانی ذرائع

چیف سلیکٹر نے آسٹریلیا سے ٹیسٹ سیریز کیلئے اسکواڈ کا اعلان کردیا، حارث رؤف دستبردار

عامر جمال، خرم شہزاد، سعود شکیل، سرفراز احمد، میر حمزہ، نعمان علی اور صائم ایوب بھی اسکواڈ کا حصہ ہیں