حماس کے راکٹ حملے میں 10 اسرائیلی فوجی ہلاک اور 24 ٹینک تباہ

 فلسطینی مزاحمتی گروپ حماس کی جانب سے غزہ میں اسرائیلی فوج کے خلاف شدید مزاحمت کا سلسلہ جاری ہے۔

غزہ میں اسرائیل جارحیت کا بھرپور جواب دیتے ہوئے حماس کے القسام بریگیڈ نے خان یونس میں اسرائیلی فوجیوں اور ٹینکوں پر راکٹ برسا دیے جس کے نتیجے میں 10 اسرائیلی فوجی ہلاک ہوگئے جب کہ 24 اسرائیلی ٹینکوں کو بھی تباہ کردیا گیا۔

 اس کے علاوہ اسنائپرز کی فائرنگ سے 8 اسرائیلی زخمی بھی ہوئے ہیں۔

رپورٹس  کے مطابق خان یونس میں اسرائیلی فوجیوں کے زیر قبضہ عمارت کو بارودی مواد سے تباہ کر دیا گیا، تل ابیب اور عسقلان میں بھی راکٹ حملے کیے گئے ہیں۔

اسرائیلی فوج نے بھی تصدیق کرتے ہوئے کہا کہ حماس کے حملوں میں 2 میجرسمیت 5 فوجی ہلاک ہوگئے ہیں۔

لبنان میں بھی جھڑپیں

دوسری جانب اسرائیل لبنان سرحد پر اسرائیلی فوج اور حزب اللہ کے درمیان جھڑپیں جاری ہیں جن میں حزب اللہ نے  ایک اسرائیلی فوجی ہلاک اور ایک زخمی کرنے کا دعویٰ کیا ہے جب کہ اسرائیلی حملوں میں ایک لبنان فوجی بھی جاں بحق ہوگیا۔

واضح رہے کہ غزہ میں7 اکتوبر سے اب تک زمینی جھڑپوں میں 82 اور مجموعی طور پر 408 اسرائیلی فوجی مارے جاچکے ہیں۔

غزہ کے آپریشن میں ہلاک اسرائیلی فوجیوں کی تعداد 406 ہوگئی

موجودہ فوجی آپریشن سے حماس کا غزہ پٹی پر کنٹرول بھی ختم ہو جائے گا، یرغمالیوں کی رہائی کے لیے سفارتی کوششیں جاری ہیں، ترجمان اسرائیلی حکومت

ہلاکتوں میں اضافے کے باوجود امریکا اسرائیل کو ہتھیاروں کی فراہمی جاری رکھنے پر بضد

اسرائیل کو اسلحے کی فراہمی روکنے کا مطلب ہوگا کہ آپ دوسری پارٹیوں کو دعوت دیں کہ وہ اس معاملے میں کود جائیں، امریکا نے اسرائیل کیلئے اپنی غیر متزلزل حمایت پر قائم ہے: امریکی عہدیدار