Election 2024 Election 2024

'آئی فون سمجھ کر لیا تھا'، ڈاکوؤں نے گن پوائنٹ پر چھینا گیا اینڈرائیڈ فون واپس لوٹا دیا

گزشتہ ماہ امریکا کے واشنگٹن ڈی سی میں یہ واقعہ پیش آیا جہاں ایک شخص مسلح ڈکیتی کا شکار ہوا __فوٹو: فائل
گزشتہ ماہ امریکا کے واشنگٹن ڈی سی میں یہ واقعہ پیش آیا جہاں ایک شخص مسلح ڈکیتی کا شکار ہوا __فوٹو: فائل

امریکا میں ڈکیتی کی ایک دلچسپ واردات سامنے آئی ہے جب ڈاکوؤں کو اپنی مطلوبہ چیز نہ ملنے پر انہوں نے لوٹا ہوا سامان واپس مالک کو لوٹا دیا۔

کافی مرتبہ سننے میں آیا ہے کہ ڈاکو کسی کی مخبری پر کچھ مخصوص سامان لوٹنے آئے اور انہیں وہ نہ ملا لیکن کبھی کسی ڈکیت یا چور نے چھینا یا لوٹا گیا سامان واپس نہیں لوٹایا۔

گزشتہ ماہ واشنگٹن ڈی سی میں یہ واقعہ پیش آیا جہاں ایک شخص مسلح ڈکیتی کا شکار ہوا جس میں دو ڈاکوؤں نے گن پوائنٹ پر اس سے جیب میں موجود ہر چیز چھین لی جس میں فون، پیسے اور گاڑی کی چابیاں شامل تھیں۔

غیر ملکی میڈیا کو یہ تجربہ بتاتے ہوئے مذکورہ شخص نے بتایا کہ ایک دن اسے گھر آنے میں دیر ہوگئی، رات کا وقت تھا اور وہ فلیٹ کے باہر گاڑی پارک کررہا تھا اور بیوی اس کے ساتھ تھی کہ 2 موٹرسائیکل سوار آگئے۔

خاتون نے تکلیف دہ واقعہ سناتے ہوئے بتایا کہ انہوں نے شوہر سے ہر چیز لے لی، جیسے ہی انہوں نے فون لیا تو فون آن کیا اور پھر آگے پیچھے سے دیکھا، بعدازاں وہ فون لوٹا دیا۔

مذکورہ شخص کی اہلیہ نے ڈاکوؤں کا ردعمل بھی بتایا کہ انہوں نے کہا کہ یہ اینڈرائیڈ ہے جب کہ ہمیں لگا تھا یہ آئی فون ہے، ہمیں یہ نہیں چاہیے۔

مزید خبریں :