شوال ذوالفقار کندھے کی انجری کے باعث 6 ہفتے کیلئے کرکٹ سے باہر

پاکستان ویمنز کرکٹ ٹیم کی بیٹر شوال ذوالفقار کندھے کی انجری کے باعث 6 ہفتے کے لیے کرکٹ سے باہر ہوگئیں۔

پاکستان کرکٹ بورڈ کے مطابق شوال ذوالفقار کو نیوزی لینڈ کے خلاف دوسرے ٹی ٹوئنٹی میچ میں فیلڈنگ کے دوران کندھے کی انجری ہوئی تھی۔

پی سی بی کی جانب سے بتایا گیا ہے کہ شوال ذوالفقار کو اسپتال لے جایا گیا تھا جہاں ان کے دائیں کندھے کا ایکسرے کرایا گیا۔

تیسرے ٹی ٹوئنٹی میں نیوزی لینڈ ویمن ٹیم کامیاب، سیریز پاکستان کے نام

نیوزی لینڈ کی کھلاڑی سوزی بیٹس پلیئر آف دی میچ قرار پائیں جب کہ پاکستانی بولر فاطمہ ثنا نے پلیئر آف دی سیریز کا ایوارڈ حاصل کیا

پی سی بی کا کہنا ہے کہ شوال ذوالفقار کی واپسی کا فیصلہ مناسب وقت پر ہوگا، اس دوران ٹیم فزیو ان کی انجری کو دیکھیں گی۔

واضح رہے کہ پاکستان ویمن اور نیوزی لینڈ ویمن کرکٹ ٹیم کے درمیان کھیلی گئی تین میچز کی ٹی ٹوئنٹی سیریز میں پاکستان کو فتح ملی، دو میچز پاکستان جب کہ آخری ٹی ٹوئنٹی ڈک ورتھ لوئس میتھڈ کے تحت کیویز نے جیتا۔