10 دسمبر ، 2023 
اسرائیلی فوج غزہ میں جان بوجھ کر عام شہریوں کو نشانہ بنا رہی ہے: اسرائیلی اخبار
10 دسمبر ، 2023
ایک اسرائیلی اخبار کی رپورٹ کے مطابق اسرائیلی فوج غزہ میں جان بوجھ کر عام شہریوں کو نشانہ بنا رہی ہے تاکہ وہ حماس کے خلاف بغاوت کر دیں۔
اسرائیلی اخبار کی رپورٹ میں کہا گیا ہےکہ غزہ میں اسرائیلی حملوں میں عام فلسطینیوں کی اموات بہت زیادہ ہیں، اسرائیل کا غزہ پر بمباری کرنا معمول ہے۔
اخبار کے مطابق موجودہ آپریشن نے اسرائیلی ریاست کی بنیادیں کمزور کی ہیں، زخمی، لاچار اور غمزدہ فلسطینی مستقبل میں اسرائیل کے خلاف اُٹھ کھڑے ہوں گے، عام شہریوں کی اموات کی اصل حقیقت امریکی انتظامیہ کو بھی بے چین کردےگی۔
خیال رہےکہ صیہونی افواج کی غزہ پر بمباری کا سلسلہ جاری ہے،گزشتہ 24 گھنٹوں میں غزہ پر بمباری سے مزید 150سے زائد فلسطینی شہید ہوگئے۔
64 روز میں فلسطینی شہدا کی تعداد 18 ہزار کے قریب پہنچ گئی ہے،48 ہزار سے زائد زخمی ہیں، جبالیہ پناہ گزین کیمپ میں بازاروں اور سڑکوں پر اجتماعی قبریں بنا دی گئی ہیں۔
شہید اور زخمی ہونے والوں میں بڑی تعداد میں بچے اور خواتین شامل ہیں۔
فلسطینی شہری دفاع کے مطابق ہزاروں فلسطینی اسرائیلی بموں سے تباہ عمارتوں کے ملبے تلے دبے ہیں۔
فلسطینی شہری دفاع کا کہنا ہےکہ ملبے تلے دبے فلسطینیوں کو نکالنے میں شدید دشواریاں ہیں، ایندھن کی کمی سے شہری دفاع کے پاس اب صرف ایک گاڑی قابل استعمال ہے۔
مزید خبریں :
ایک اورکشمیری نژاد پاکستانی برطانیہ میں لارڈ بن گیا
24 دسمبر ، 2024
ترکیہ: فیکٹری میں دھماکا خیز مواد پھٹنے سے 12 افراد ہلاک
24 دسمبر ، 2024
جنوبی کوریا میں اپوزیشن کا قائم مقام صدر کے مواخذےکا بھی اعلان
24 دسمبر ، 2024
