12 دسمبر ، 2023 
سوئی ناردرن کے بعد سوئی سدرن نے بھی گیس کی قیمت بڑھانے کا مطالبہ کردیا
12 دسمبر ، 2023
سوئی ناردرن کے بعد سوئی سدرن نے بھی گیس کی قیمت میں اضافے کا مطالبہ کردیا۔
ذرائع کے مطابق سوئی سدرن نے گیس کی قیمت میں یکم جولائی سے 226 روپے فی ایم ایم بی ٹی یو اضافہ مانگا ہے۔
آئل اینڈ گیس ریگولیٹری اتھارٹی (اوگرا) کے ذرائع کے مطابق سوئی سدرن نے گیس میں اضافے کی درخواست جمع کرا دی ہے جو کہ رواں مالی سال کی ریونیو ضروریات کی مد میں دی گئی ہے۔
ذرائع کے مطابق سوئی سدرن کا رواں مالی سال 47 ارب 77 کروڑ روپے ریونیو شارٹ فال کا تخمینہ ہے، بلوچستان میں ریونیو شارٹ فال کا تخمینہ 95 روپے 40 پیسے فی ایم ایم بی ٹی یو لگایا گیا ہے۔
ذرائع کا کہنا ہے کہ ٹرانسمیشن اور ڈسٹری بیوشن لاگت کی مد میں 150روپے 67 پیسے فی ایم ایم بی ٹی یو مانگے گئے ہیں۔
ذرائع اوگرا کے مطابق سوئی سدرن کی درخواست کی 18 دسمبر کو کراچی میں سماعت ہوگی، سوئی سدرن کی موجودہ اوسط گیس قیمت 1470روپے 21 پیسے فی ایم ایم بی ٹی یو ہے جب کہ کمپنی نے نئی اوسط قیمت 1696روپے 39 پیسے فی ایم ایم بی ٹی یو کی درخواست کی ہے۔
مزید خبریں :
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
روف سولر پینل ٹیرف میں کمی پر غور
21 نومبر ، 2024
ملک میں آج ڈالر کی قیمت کیا رہی؟
20 نومبر ، 2024
