12 دسمبر ، 2023 
جسٹس مظاہر کیخلاف شکایات، سپریم جوڈیشل کونسل کا اجلاس 14 دسمبر کو طلب
12 دسمبر ، 2023
سپریم کورٹ کے جسٹس مظاہرعلی اکبر نقوی کے خلاف شکایات کے معاملے پر سپریم جوڈیشل کونسل کا اجلاس طلب کرلیا گیا۔
ذرائع کے مطابق چیف جسٹس قاضی فائز عیسیٰ نے 14 دسمبر کو سپریم جوڈیشل کونسل کا اجلاس بلایا ہے۔
ذرائع نے بتایاکہ اجلاس جمعرات کو ججز بلاک کانفرنس روم میں ڈھائی بجے ہوگا۔
ذرائع کا کہنا ہے کہ سیکرٹری سپریم جوڈیشل کونسل نے پانچوں ممبران کو نوٹس بھیج دیا ہے۔
خیال رہے کہ جسٹس مظاہر علی اکبر نقوی نے چیف جسٹس پاکستان سمیت سپریم کورٹ کے ججز کو ایک اور خط لکھا ہے جس میں کہا ہے کہ میں نے نومبر کے مہینے میں نو کی اور دسمبر میں دو ریکارڈ کے لیے سپریم جوڈیشل کونسل کو تحریری درخواستیں دیں اس کے باوجود میری درخواست نہیں سنی گئی۔
انہوں نے کہا کہ 11 دسمبر کو آدھی رات کے قریب سپریم جوڈیشل کونسل کے 14 دسمبر کے اجلاس کا نوٹس موصول ہوا، تاریخ میں پہلی بار یہ ہوا کہ سپریم کورٹ میں درخواستوں کے باوجود سپریم جوڈیشل کونسل کا اجلاس بلایا گیا۔
