15 دسمبر ، 2023 
عثمان خواجہ کے نعروں والے جوتوں کا معاملہ: چیف ایگزیکٹو کرکٹ آسٹریلیا نے کیا کہا؟
15 دسمبر ، 2023
آسٹریلوی بیٹر عثمان خواجہ کے فلسطین کے ساتھ اظہار یکجہتی کے لیے جوتوں پر نعرے لکھنے کے معاملے پر چیف ایگزیکٹو کرکٹ آسٹریلیا کا بیان سامنے آگیا۔
چیف ایگزیکٹو کرکٹ آسٹریلیا نک ہوکلے نے اپنے بیان میں کہا کہ عثمان خواجہ انسانی ہمدردی کے پیغام والے جوتے پہن لیتے تو کرکٹ آسٹریلیا کے لیے اس مثال کو سنبھالنا مشکل ہوتا۔
انہوں نے کہا کہ پاکستان کے خلاف پہلے اور دوسرے ٹیسٹ کے درمیان معاملے کا جائزہ لیا جا سکتا ہے، یقینی طور پر ایسے معاملے پر اظہار کے لیے ہم کھلاڑیوں کو سپورٹ کرنا چاہتے ہیں۔
نک ہوکلے نےمزید کہا کہ جب آپ ملک کی نمائندگی کر رہے ہوں تو پھر اس حوالے سے آئی سی سی کے قوانین ہیں، ہر چیز کا ایک طریقہ کار موجود ہے اور اسے اچھے طریقے سے ہی انجام دینا چاہیے، ابھی ٹیسٹ جاری ہے، اس معاملے پر ہم مل کر سب سے بات کریں گے۔
واضح رہے کہ عثمان خواجہ نے ٹریننگ کے دوران انسانی ہمدردی کے نعروں والے جوتے پہنے تھے جب کہ عثمان خواجہ نے پرتھ ٹیسٹ میں بھی جوتے پہننے کا ارادہ ظاہر کیا تھا تاہم آئی سی سی کے قوانین کے مطابق عثمان خواجہ جوتے نہ پہن سکے۔
مزید خبریں :
بابر اعظم نے ایک اور اعزاز اپنے نام کرلیا
10 گھنٹے پہلے
باکسنگ ڈے ٹیسٹ میچ کے پیچھے کہانی کیا ہے؟
25 دسمبر ، 2024
بھارتی کرکٹر کے ہاں بیٹے کی پیدائش
25 دسمبر ، 2024
