20 دسمبر ، 2023 
انتخابی عمل کے پہلے روز ہی اسلام آباد میں 82 امیدواروں نے نامزدگی فارم وصول کرلیے
20 دسمبر ، 2023
ملک میں انتخابی عمل کے باضابطہ آغاز پر پہلے روز ہی وفاقی دارالحکومت اسلام آباد کے 3 حلقوں پر 83 امیدواروں نے نامزدگی کے فارم وصول کرلیے۔
ڈپٹی کمشنر آفس کے مطابق این اے 46 کیلئے 13، این اے 47 کیلئے 34 اور این اے 48 کیلئے 35 امیدواروں نے نامزدگی کے فارم وصول کیے۔
لاہور میں بھی قومی و پنجاب اسمبلی کیلئے کاغذاتِ نامزدگی حاصل کرنے کا عمل شروع ہوگیا، این اے 125 کیلئے 3 امیدواروں نے کاغذات حاصل کیے۔
سابق صوبائی وزیر چوہدری عبدالغفور اور پی ٹی آئی کے سابق رکنِ پنجاب اسمبلی شبیر گجر نے بھی کاغذات نامزدگی حاصل کیے۔
کاغذات نامزدگی 20 سے 22 دسمبر تک متعلقہ آر او آفس میں جمع کرانے ہوں گے۔
خیال رہے کہ لاڑکانہ سے چیئرمین پیپلز پارٹی بلاول بھٹو زرداری نے بھی این اے 194 لاڑکانہ کیلئے کاغذات نامزدگی حاصل کرلیے تھے۔
بلاول بھٹو کے پولیٹیکل سیکرٹری جمیل سومرو نے ان کی جگہ کاغذات نامزدگی حاصل کیے ہیں۔
مزید خبریں :
پنجاب اسمبلی نے ترمیمی زرعی انکم ٹیکس بل منظور کرلیا
6 گھنٹے پہلے
کیا پیراتھائرائیڈکا علاج پاکستان میں ممکن ہے؟
8 گھنٹے پہلے
