20 دسمبر ، 2023 
کھیل
فوٹو: فائل
سابق ٹیسٹ کرکٹر اظہر علی کو پی سی بی میں اہم ذمہ داریاں ملنے کا امکان
20 دسمبر ، 2023
سابق ٹیسٹ کرکٹر اظہر علی کو پاکستان کرکٹ بورڈ( پی سی بی) میں اہم ذمہ داریاں ملنے کا امکان ہے۔
پاکستان کرکٹ بورڈ نے گزشتہ دنوں ڈائریکٹر نیشنل کرکٹ اکیڈمی کیلئے اشتہار جاری کیا تھا تاہم ذرائع کا کہنا ہے کہ اس عہدے کیلئے اظہر علی سے بات چیت جاری ہے اور معاملات کافی حد تک طے پاچکے ہیں ۔
ذرائع کے مطابق اظہر علی کو نیشنل کرکٹ اکیڈمی میں ڈائریکٹر بنانے کے معاملے پر اس ماہ کے آخر میں حتمی اعلان کردیا جائے گا اور سابق کپتان اگلے ماہ اپنے عہدے کا چارج سنبھال لیں گے۔
واضح رہے کہ اظہر علی پاکستان کی جانب سے 97 ٹیسٹ اور 53 ایک روزہ میچز کھیل چکے ہیں ۔
ڈائریکٹر اکیڈمیز کیلئے پی سی بی نے ڈائریکٹر اکیڈمیز کیلئے کم از کم 25 ٹیسٹ میچز کے تجربے کی شرط رکھی تھی ۔
