22 دسمبر ، 2023 
الیکشن کمیشن کا احد چیمہ کو عہدے سے ہٹانے سے متعلق عملدرآمد رپورٹ نہ ملنے کا نوٹس
22 دسمبر ، 2023
الیکشن کمیشن نے نگران وزیراعظم کے مشیر احد چیمہ کو عہدے سے ہٹانے سے متعلق عملدرآمد رپورٹ نہ ملنے کا نوٹس لے لیا۔
سیکرٹری الیکشن کمیشن نے سیکرٹری کابینہ ڈویژن کو خط لکھا ہے جس میں کہا ہے کہ الیکشن کمیشن نے مشیر وزیراعظم احدچیمہ کوہٹانے سےمتعلق عملدرآمد رپورٹ مانگی تھی۔
خط میں کہا گیا ہے کہ احد چیمہ کو مشیر کے عہدے سے ہٹانے کے لیے کوئی بھی رپورٹ جمع نہیں کرائی گئی۔
خط کے متن کے مطابق الیکشن کمیشن نے احمد چیمہ کے معاملے پر سختی سےنوٹس لیا ہے اور الیکشن کمیشن 26 دسمبر کو احمد چیمہ کیس کی سماعت کرے گا۔
خط میں حکم دیا گیا ہے کہ احمد چیمہ کو نہ ہٹایاگیا تو سیکرٹری وزیراعظم اور سیکرٹری کابینہ ڈویژن ذاتی حیثیت میں پیش ہوں۔
خیال رہے کہ گزشتہ دنوں الیکشن کمیشن نے نگران وزیراعظم انوار الحق کاکڑ کے مشیر برائے اسٹیبلشمنٹ احد چیمہ کو عہدے سے ہٹانےکا حکم دیا تھا۔
