27 دسمبر ، 2023 
حماس فوجی صلاحیتوں کو دوبارہ تشکیل دینے کی صلاحیت رکھتی ہے: امریکی تھنک ٹینکس
27 دسمبر ، 2023
امریکا کے دو جنگی تھنک ٹینک کی رپورٹ میں کہا گیا ہے کہ غزہ پر اسرائیلی حملوں کے باوجود فلسطین کی مزاحمت پسند تنظیم حماس نے بھرپور مزاحمت ثابت کی۔
امریکی تھنک ٹینکس کی رپورٹ میں کہا گیا ہے کہ حماس اپنی فوجی صلاحیتوں کو دوبارہ تشکیل دینے کی صلاحیت رکھتی ہے، حماس کی ان ہی صلاحیتوں کی بنا پر اسرائیلی حکام نے جنگ طویل ہونے کا اعلان کیا۔
رپورٹ کے مطابق حماس نے 26 دسمبر کو اسرائیلی فوج کے خلاف دیسی ساختہ دھماکہ خیز ڈیوائس استعمال کی، حماس نے جبالیہ شہر پر کنٹرول حاصل کرنے کی اسرائیلی کوشش کو بھی چیلنج کیا اور جبالیہ میں گھروں میں پناہ لیے ہوئے
حماس اور فلسطینی اسلامی جہاد کے جنگجوؤں نے اسرائیلی فوج پر پیچیدہ حملہ کیا۔
امریکی جنگی تھنک ٹینکس کی رپورٹ میں کہا گیا ہے کہ غزہ پٹی کے جنوب میں بھی اسرائیلی فوج اور حماس کے درمیان شدید لڑائی جاری ہے، حماس نے 25 سے 26 دسمبر کے دوران اسرائیل پر مارٹر گولے اور راکٹ فائر کیے، مقبوضہ مغربی کنارے میں بھی فلسطینی جنگجوؤں اور اسرائیلی فوج کے درمیان جھڑپیں ہوئیں، حزب اللہ نے بھی دو دنوں کے دوران اسرائیل کی شمالی سرحد پر 19 حملے کیے۔
خیال رہے کہ 7 اکتوبر 2023 سے غزہ میں جاری اسرائیلی حملوں میں اب تک 20 ہزار سے زائد فلسطینی شہید ہو چکے ہیں جبکہ حماس اور اسلامی جہاد کے حملوں میں اب تک 157 سے زائد اسرائیلی فوجی بھی ہلاک اور درجنوں زخمی ہو چکے ہیں۔
مزید خبریں :
تیونس: تارکین وطن کی کشتی ڈوبنے سے کم از کم 20 افراد ہلاک
19 دسمبر ، 2024
ٹرمپ کے نئے ہیئر اسٹائل کے سوچل میڈیا پر چرچے
18 دسمبر ، 2024
