پی سی بی نے بگ بیش لیگ کیلئے کھلاڑیوں کے این او سی میں توسیع کی درخواست مسترد کر دی

پاکستان کرکٹ بورڈ(پی سی بی) نے تین پاکستانی کھلاڑیوں کے این او سی کی مدت بڑھانے کی بگ بیش لیگ کی درخواست مسترد کر دی۔

بگ بیش لیگ نے حارث رؤف، اسامہ میر اور زمان خان کا این او سی بڑھانے کیلئے پی سی بی سے رجوع کیا تھا۔

سڈنی تھنڈرز، میلبرن اسٹارز نے پی سی بی سے کھلاڑیوں کے این او سی میں توسیع کی درخواست کی تھی۔حارث روف،اسامہ میر،زمان خان کے بگ بیش کے لیے این او سی کی معیاد کل ختم ہو جائے گی۔

ویڈیو: بگ بیش لیگ میں حارث رؤف بغیر پیڈ کے بیٹنگ کیلئے گراؤنڈ میں آگئے

حارث رؤف جب بیٹنگ کے لیے آئے تو اننگز کی آخری گیند تھی

تاہم پی سی بی نے  کھلاڑیوں کے این او سی کی مدت بڑھانے کی بگ بیش لیگ کی درخواست مسترد کر دی اور  بگ بیش فرنچائزز کو فیصلے سے آگاہ کر دیا ہے۔

ذرائع کے مطابق حارث رؤف، اسامہ میر اور زمان خان دورہ نیوزی لینڈ شروع ہونے تک آسٹریلیا میں ہی قیام کریں گے۔

واضح رہے کہ پاکستان کی نیوزی لینڈ کے خلاف پانچ میچوں پر مشتمل ٹی ٹوئنٹی سیریز 12 جنوری سے شروع ہوگی۔