پی سی بی کی مشکل آسان، حکومت نے پی ایس ایل کے نشریاتی حقوق بیچنے کی اجازت دیدی

پاکستان کرکٹ بورڈ( پی سی بی) کی پی ایس ایل کے حوالے سے ایک مشکل آسان ہوگئی۔

ذرائع کے مطابق حکومت نے پی سی بی کو پاکستان سپر لیگ (پی ایس ایل) کے نشریاتی حقوق بیچنے کی اجازت دے دی ہے۔

ذرائع کا کہنا ہے کہ حکومت نے پی سی بی کو مالی معاملات میں بغیر اجازت فیصلوں سے روکا تھا، تاہم اب حکومتی اجازت کے بعد پی سی بی نے پی ایس ایل کے نشریاتی حقوق پر کام شروع کر دیا ہے۔

پی ایس ایل میں نئی تاریخ رقم، پہلی بار 3 بھائی ایک ہی ٹیم میں شامل

پی ایس ایل 9 کے پلیئرز ڈرافٹ کی تقریب لاہور میں منعقد ہوئی جس میں پاکستان سپر لیگ کے نویں ایڈیشن 2024 کیلئے ٹیموں کی تشکیل مکمل کی گئی۔

ذرائع کے مطابق پی ایس ایل نشریاتی حقوق کیلئے تکنیکی بڈز مکمل ہوگئی ہے، نشریاتی حقوق کی مالی بڈ کا فیصلہ آئندہ منگل کو ہوگا۔

ذرائع کا کہنا ہے کہ پی ایس ایل کے ڈیجیٹل رائٹس پر بڈ بھی رواں ہفتے کھل جائیں گی۔