03 جنوری ، 2024 
پاکستان
میں نے بطور وزیر منصوبہ بندی احسن اقبال کی ناکامیوں کی بات کی، ضابطے کے مطابق معاشی خرابیوں کے ذمہ دار احسن اقبال ہیں: دانیال عزیز— فوٹو: فائل
’اپنے بیان پر قائم ہوں‘، دانیال عزیز نے پارٹی شوکاز کا جواب جمع کروا دیا
03 جنوری ، 2024
پاکستان مسلم لیگ ن کے رہنما دانیال عزیز نے پارٹی شوکاز کا جواب جمع کروا دیا۔
دانیال عزیز نے تین صفحات پر مشتمل جواب جمع کروایا جس میں کہا ہے کہ میں اپنے بیان پر قائم ہوں۔
انہوں نے کہا کہ پارٹی نظم وضبط اور پالیسی کی کوئی خلاف ورزی نہیں کی، پارٹی قیادت ملاقات کا وقت دے۔
دانیال عزیز کا کہنا تھاکہ احسن اقبال نے میرے حلقے میں اپنے بیٹے کیلئے ریلیاں کیں، میں نے بطور وزیر منصوبہ بندی احسن اقبال کی ناکامیوں کی بات کی، ضابطے کے مطابق معاشی خرابیوں کے ذمہ دار احسن اقبال ہیں۔
ان کا مزید کہنا تھاکہ مختلف آپریشنز سے گزر رہا ہوں، اس لیے بروقت جواب نہیں دے سکا۔
خیال رہے کہ صدر مسلم لیگ ن پنجاب رانا ثنااللہ نے 2 دسمبر 2023 کو دانیال عزیز کو شوکاز جاری کیاتھا۔
