05 جنوری ، 2024 
خیبرپختونخوا: نگران کابینہ نے پاکستان پینل کوڈ میں ترامیم کی منظوری دیدی
05 جنوری ، 2024
خیبرپختونخوا کی نگران کابینہ کی جانب سے پاکستان پینل کوڈ 1860 اور کرمنل پروسیجر کوڈ 1898 میں ترامیم کی منظوری دے دی گئی۔
نگران وزیر اعلیٰ جسٹس ریٹائرڈ سید ارشد حسین شاہ کی زیر صدارت کابینہ اجلاس میں منظور کی گئی ترامیم کے تحت غیر قانونی اجتماع اور ہنگامہ آرائی کی سزاؤں میں اضافہ کردیا گیا ہے۔
نئی ترامیم کے تحت ریاست کی رٹ قائم رکھنے کیلئے دفعہ 147 کے تحت 2 سال کی سزا کو بھی 3 سال کر دیا گیا ہے۔
کابینہ نے ڈائریکٹوریٹ آف پراسیکیوشن میں ریسرچ سیل کیلئے آسامیوں کی تخلیق کی منظوری بھی دی۔
اجلاس میں بتایا گیا کہ آسامیاں اپیکس کمیٹی کے سفارشات کی روشنی میں تخلیق کی گئیں۔
کابینہ اجلاس میں ضم شدہ اضلاع میں سیٹلمنٹ اور لینڈ ریکارڈ ڈیجیٹلائزیشن کیلئے درکار فنڈز اور صوبے میں پولیس انفرا اسٹرکچر کی تعمیر کیلئے سپلیمنٹری گرانٹ کی منظوری بھی دی گئی۔
صوبائی کابینہ نے نہروں کی بھل صفائی اور مرمتی کاموں کیلئے 500 ملین روپے گرانٹ کی منظوری بھی دی۔
مزید خبریں :
ملتان میں فضائی معیار آج بھی انتہائی مضر صحت
2 گھنٹے پہلے
ایرانی وزیر خارجہ دو روزہ سرکاری دورے پرپاکستان پہنچ گئے
10 گھنٹے پہلے
