05 جنوری ، 2024 
بلوچستان میں خواتین کی شرح خواندگی سب سے کم، تفصیلات سینٹ میں پیش
05 جنوری ، 2024
اسلام آباد: ملک میں 10 سال اور زائد عمر افراد کی شرح خواندگی کی تفصیلات سینیٹ میں پیش کردی گئیں۔
وزارت تعلیم نے خواندگی سے متعلق معاشی سروے 2022/23 کا تحریری جواب ایوان میں پیش کیا ہے۔
وزارت تعلیم کے مطابق پاکستان میں شرح خواندگی 62.8 فیصد ہے، صوبوں میں سب سے کم شرح خواندگی بلوچستان میں 54.5 فیصد ہے جبکہ پنجاب میں شرح خواندگی66.3، سندھ میں 61.8 فیصد اور خیبرپختونخوا میں شرح خواندگی 55.1 فیصد ہے۔
وزارت تعلیم کی جانب سے بتایا گیا ہےکہ ملک بھر میں خواتین کی شرح خواندگی 51.9 اور مردوں کی 73.4 فیصد ہے، خواتین میں سب سے کم شرح خواندگی بلوچستان میں 36.8 اور مردوں میں 69.5 فیصد ہے۔
خیبرپختونخوا میں خواتین کی شرح خواندگی 37.4 ، مردوں کی 72.8 فیصد، سندھ میں خواتین کی شرح خواندگی 49.7 ، مردوں کی 72.9 فیصد اور پنجاب میں خواتین کی شرح خواندگی 58.4 فیصد اور مردوں کی 74.2 فیصد ہے۔
مزید خبریں :
پاک بھارت جنگ بندی میں امریکا کا واضح کردار
3 گھنٹے پہلے
پاکستان نیوی آرڈینینس میں ترمیم کا بل سینیٹ میں پیش
10 گھنٹے پہلے
