بیرسٹر گوہر کی رجسٹرار سپریم کورٹ سے ملاقات، بلے کے نشان کی درخواست پر آج ہی سماعت کرانے کی استدعا

اسلام آباد: پی ٹی آئی نے بلے کے نشان کی بحالی کیلئے سپریم کورٹ میں دائر درخواست کو آج ہی سماعت کے لیے مقرر کرنے کی استدعا کردی۔

تحریک انصاف کے چیئرمین بیرسٹر گوہر نے پارٹی کے سینئر رہنما حامد خان کے ہمراہ سپریم کورٹ کے رجسٹرار سے ملاقات کی جس میں انہوں نے بلے کے نشان کی درخواست آج ہی سماعت کے لیے مقرر کرنے کی استدعا کی۔

ذرائع کے مطابق پی ٹی آئی رہنماؤں اور وکلا نے مؤقف اختیار کیا کہ یہ اہم نوعیت کا مقدمہ ہے، فوری سماعت کی جائے۔

واضح رہےکہ پشاور ہائیکورٹ نے پی ٹی آئی کے انتخابی نشان اور انٹرا پارٹی الیکشن سے متعلق الیکشن کمیشن کا 22 دسمبر کا فیصلہ بحال کیا تھا جس کے بعد پی ٹی آئی سے انتخابی نشان ایک بار پھر چھن گیا۔

تحریک انصاف نے پشاور ہائیکورٹ کے فیصلے کے خلاف سپریم کورٹ سے رجوع کیا ہے۔

پشاور ہائیکورٹ: پی ٹی آئی سے بلےکا نشان واپس لینےکا الیکشن کمیشن کا فیصلہ بحال

عدالت نے پی ٹی آئی انٹرا پارٹی انتخابات اور انتخابی نشان پر حکم امتناعی واپس لے لیا

پی ٹی آئی کو ’بلے‘ کا نشان واپس مل گیا، الیکشن کمیشن کا فیصلہ معطل

کیس کا فیصلہ ہونے تک الیکشن کمیشن کا فیصلہ معطل ہوگا، چھٹیوں کے ختم ہونے کے بعد پہلے ڈبل بینچ میں کیس سنا جائے، پشاور ہائی کورٹ