کوئی جیل سے نکلنے اور کوئی جیل سے بچنے کیلئے الیکشن لڑ رہا ہے، بلاول بھٹو

پیپلزپارٹی کے چیئرمین بلاول بھٹو نے کہا ہے کہ اشرافیہ کی غریب دشمن سیاسی جماعتوں کو پنجاب اور ملک پر مسلط کیا گیا، تمام سیاسی جماعتوں کا مقابلہ کر کے دکھائیں گے۔ 

بلاول بھٹو زرداری نے فیصل آباد میں انتخابی جلسے سے خطاب کرتے ہوئے کہا کہ کوئی جیل سے نکلنے اور کوئی جیل سے بچنے کیلئے الیکشن لڑ رہا ہے، یہ لوگ الیکشن لڑ کر ذاتی مسائل حل کرنا چاہتے ہیں۔ 

انہوں نے کہا کہ عوام سے وعدہ ہے کہ پیپلزپارٹی کو موقع ملا تو تنخواہ اور آمدنی دگنی کریں گے، 30 لاکھ گھر بنائیں گے، کچی آبادیاں ریگولرائز کریں گے، کسانوں کو مالی مدد اور انشورنس بھی دلائیں گے۔

بلاول بھٹو نے جلسے میں کہا کہ پنجاب کے سیاستدان بیمار پڑنے پر لندن چلے جاتے ہیں، ان کی حکومت بنی تو یہیں اسپتال بنوا دیں گے تاکہ ان سیاستدانوں کو لندن نہ جانا پڑے۔

ن لیگ چاہے یا نہ چاہے، اب الیکشن 8 فروری کو ہی ہوں گے: بلاول بھٹو

پیپلز پارٹی واحد جماعت ہے جو لاہور میں بھی الیکشن لڑنے کو تیار ہے ۔ لاہور بھٹو کا تھا، ہے اور رہے گا، بلاول بھٹو زرداری

نواز شریف کی واپسی، پی ٹی آئی اور ن لیگ کے درمیان مقبولیت کا فرق تیزی سے کم ہونے لگا

15 دسمبر سے 7 جنوری کے درمیان ہونے والے تازہ ترین سروے کے مطابق یہ فرق 15 فیصد سے کم ہو کر چار فیصد رہ گیا ہے: سروے