15 جنوری ، 2024 
پشاور میں این اے 32 سے پی ٹی آئی کے 9 امیدوار سامنے آگئے
15 جنوری ، 2024
پشاور میں قومی اسمبلی کے حلقہ این اے 32 سے پاکستان تحریک انصاف (پی ٹی آئی) کے 9 امیدوار سامنے آگئے۔
الیکشن کمیشن کی جانب سے جاری فارم 33 میں ایک ہی حلقے سے پی ٹی آئی کے رہنما آصف خان، شیرافضل مروت اور عرفان سلیم کا نام امیدواروں کی فہرست میں شامل ہے جبکہ پی ٹی آئی کے قاسم علی شاہ، خالد مسعود، ظہور قادر نے بھی این اے 32 سے کاغذات نامزدگی جمع کرائے ہیں۔
اسی طرح پی ٹی آئی رہنما الیاس محمد، صمد مرسلین اور رضوان بنگش بھی این اے 32 سے امیدوار ہیں۔ اے این 32 سے انتخابات لڑنے والے جاوید نسیم بھی پی ٹی آئی کا حصہ رہ چکے ہیں۔
اس معاملے پر جیونیوز سے گفتگو کرتے ہوئے پی ٹی آئی خیبرپختونخوا کے ترجمان ظاہر شاہ طورو نے کہا کہ پارٹی نے آصف خان کو اپنا امیدوار نامزد کیا ہے اور دیگر امیدوار پارٹی کے نامزد کردہ امیدوار کے حق میں دستبردار ہوں گے۔
