16 جنوری ، 2024 
پاکستان
کابینہ کمیٹی 9 مئی کے ماسٹرمائنڈ، منصوبہ ساز اور سہولت کاروں کا پتہ لگانے کیلئے بنائی گئی ہے: ذرائع— فوٹو:فائل
9 مئی واقعات پر تحقیقات کیلئے بنائی گئی کابینہ کمیٹی کی تشکیل نو کردی گئی
16 جنوری ، 2024
9 مئی واقعات پر بنائی گئی کابینہ کمیٹی کی تشکیل نو کردی گئی۔
ذرائع کے مطابق کابینہ کمیٹی میں نگران وزیرخارجہ اور نگراں وزیردفاع کو بھی شامل کرلیاگیا۔
ذرائع نے بتایاکہ کابینہ کمیٹی 9 مئی جیسے واقعات کی روک تھام کیلئے سفارشات دے گی۔
ذرائع کا کہنا تھاکہ کابینہ کمیٹی 9 مئی کے ماسٹرمائنڈ، منصوبہ ساز اور سہولت کاروں کا پتہ لگانے کیلئے بنائی گئی ہے، نگران وزیراعظم کی ہدایت پر قائم کابینہ کمیٹی کی سربراہی نگران وزیرقانون کر رہے ہیں۔
اس سے قبل کابینہ کمیٹی 7جنوری کو قائم کی گئی تھی۔
