17 جنوری ، 2024 
جہاز میں سوار مسافر نے کیبن کریو کی خاتون کو کاٹ لیا، پرواز کی ایمرجنسی لینڈنگ
17 جنوری ، 2024
جاپان سے اڑان بھرنے والے مسافر طیارے میں سوار ایک مسافر نے خاتون کیبن کریوکو کاٹ لیا۔
غیر ملکی میڈیا کے مطابق یہ واقعہ امریکی ائیر لائن کے مسافر طیارے میں پیش آیا جو جاپان کے دارالحکومت ٹوکیو سے 159 مسافروں کو لیے اپنی منزل کی جانب روانہ ہوا، جہاز میں سوار ایک 55 سالہ امریکی شہری نشے میں دھت تھا جس نے دوران فلائٹ جہاز کے عملے کی ایک خاتون کو کاٹ لیا۔
میڈیا رپورٹس میں بتایا گیا ہےکہ امریکی شخص نے خاتون کو اس قدر زور سے کاٹا کے خاتون کے ہاتھ پر دانتوں کے نشان بن گئے اور ان کا ہاتھ بھی زخمی ہوگیا۔
اس واقعے کے بعد پائلٹ نے جہاز کی واپسی ٹوکیو میں ایمرجنسی لینڈنگ کروائی جہاں امریکی شہری کو پولیس کے حوالے کیا گیا اور خاتون کو طبی امداد فراہم کی گئی۔
میڈیا رپورٹس کے مطابق یہ پہلا واقعہ نہیں ہے، اس سے قبل 2022 میں بھی امریکا کی دو مختلف ائیر لائنز میں مسافروں کی جانب سے جہاز کے عملے کو تشدد کا نشانہ بنایا جاچکا ہے جنہیں بھاری جرمانہ بھی ادا کرنا پڑا تھا۔
مزید خبریں :
دنیا کی طویل القامت اور پست قد خاتون کی پہلی بار ملاقات
21 نومبر ، 2024
چینی کمپنی کا ملازمین کیلئے انوکھے بونس کا اعلان
22 نومبر ، 2024
ویڈیو: کراچی کے علاقے گارڈن میں بندر مکان کی چھت پر چڑھ گیا
20 نومبر ، 2024
دبئی میں چوبیس قیراط سونے کی الیکٹرک کار قرعہ اندازی کے لیے پیش
19 نومبر ، 2024
