18 جنوری ، 2024 
نیوزی لینڈ کرکٹ نے آخری دو ٹی 20 میچز کیلئے کرکٹ فینز کو خبردار کردیا
18 جنوری ، 2024
نیوزی لینڈ کرکٹ نے پاکستان کے خلاف کرائسٹ چرچ میں ہونے والے آخری دو ٹی ٹوئنٹی میچز سے قبل کرکٹ فینز کو خبردار کر دیا۔
نیوزی لینڈ کرکٹ نے چھکوں کے حوالے سے ہدایت جاری کیں اور کہا کہ نیوزی لینڈ پاکستان ٹی ٹوئنٹی سیریز میں باؤنڈریز خاص طور پر چھکے بہت زیادہ لگ رہے ہیں اس لیے تماشائی میچ کے دوران بال پر نظر رکھیں۔
کیوی بلے باز فن ایلن نے ڈنیڈن میں 16 چھکے مارے اس لیے اب فینز کو اسٹینڈز میں چوکس رہنا ہو گا، گیند پر دھیان رکھیں تاکہ بال انہیں لگ نہ جائے۔
واضح رہے کہ پاکستان اور نیوزی لینڈ کے درمیان چوتھا ٹی ٹوئنٹی کل کرائسٹ چرچ میں کھیلا جائے گا،کرائسٹ چرچ میں چوتھے میچ کی تمام ٹکٹیں فروخت ہو چکی ہیں، چوتھے میچ کی آخری ساڑھے 8 ہزار ٹکٹ آج صبح فروخت ہوئیں۔
تماشائیوں کی بڑی تعداد کی وجہ سے نیوزی لینڈ کرکٹ نے محتاط رہنے کا کہا ہے، کرائسٹ چرچ کے پانچویں میچ کے لیے صرف ایک ہزار ٹکٹ باقی ہیں۔
پاکستان کے خلاف سیریز میں تماشائی بڑی تعداد میں اسٹیڈیم آئے، ہملٹن اور ڈنیڈن میں میچز سولڈ آؤٹ تھے جب کہ آکلینڈ میں 20 ہزار سے زائد تماشائیوں نے میچ دیکھا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
