18 جنوری ، 2024 
واٹس ایپ چینلز کے لیے 2024 کی پہلی بڑی اپ ڈیٹ
18 جنوری ، 2024
میٹا کی جانب سے واٹس ایپ چینلز کے لیے 2024 کی پہلی بڑی اپ ڈیٹ کی گئی ہے۔
خیال رہے کہ واٹس ایپ نے چینلز فیچر جون 2023 میں متعارف کرایا تھا جو آغاز میں چند ممالک تک محدود رکھا گیا تھا مگر ستمبر میں اسے پاکستان سمیت دنیا بھر میں صارفین کے لیے پیش کر دیا گیا۔
صارفین اپنے پسند کی شخصیات، اسپورٹس اور دیگر موضوعات کی اپ ڈیٹس کو چینلز کے ذریعے جان سکتے ہیں۔
نومبر میں میٹا کے چیف ایگزیکٹو مارک زکربرگ نے بتایا تھا کہ محض 7 ہفتوں میں واٹس ایپ چینلز استعمال کرنے والے افراد کی تعداد 50 کروڑ سے زائد ہوگئی ہے۔
واٹس ایپ چینلز کی مقبولیت کو دیکھتے ہوئے میٹا کی جانب سے اس میں مزید فیچرز کا اضافہ کرنے کا اعلان کیا گیا ہے۔
میٹا کی جانب سے جاری بیان میں بتایا گیا کہ واٹس ایپ چینلز میں وائس نوٹس، پولز اور اضافی ایڈمنز جیسے فیچرز کا اضافہ کیا جا رہا ہے۔
بیان کے مطابق اب واٹس ایپ چینلز چلانے والے اپنے فالوورز کے ساتھ وائس اپ ڈیٹس شیئر کر سکیں گے جس سے انگیج منٹ میں اضافہ ہوگا۔
کمپنی کے مطابق واٹس ایپ صارفین کی جانب سے روزانہ 7 ارب وائس میسجز بھیجے جاتے ہیں۔
اسی طرح واٹس ایپ چینلز میں مختلف موضوعات پر پولز کرانے کے آپشن کا اضافہ بھی کیا جا رہا ہے۔
ابھی چینلز میں صارفین صرف ایموجیز کے ذریعے ہی اپنے ردعمل کا اظہار کر سکتے ہیں۔
ایک اور نیا فیچر چینل اپ ڈیٹس کو واٹس ایپ اسٹیٹس میں شیئر کرنے کا ہے۔
اس فیچر سے چینل ایڈمنز کو اپنے چینل کو مقبول کرنے میں مدد ملے گی۔
میٹا کے مطابق اب ایک چینل کو چلانے کے لیے 15 ایڈمنز کو ایڈ کرنا ممکن ہوگا جس سے صارفین کے ساتھ اپ ڈیٹس کو شیئر کرنے کا عمل زیادہ تیز ہو جائے گا۔
مزید خبریں :
سائنسدانوں کی ایسی منفرد ایجاد جو اے سی کی ضرورت ختم کردے گی
26 دسمبر ، 2024
فیس بک نے صارفین کو کمانے کا نیا موقع فراہم کردیا
26 دسمبر ، 2024
ناسا کا پارکر مشن سورج کے قریب ترین جانے میں کامیاب
25 دسمبر ، 2024
گوگل والٹ پیمنٹ سسٹم پاکستان آنے کیلئے تیار
25 دسمبر ، 2024
انسٹا گرام میں ایک دلچسپ فیچر کا اضافہ
24 دسمبر ، 2024
50 ہزار سال سے برف میں صحیح حالت میں منجمد اونی میمتھ دریافت
24 دسمبر ، 2024
