24 جنوری ، 2024 
کراچی میں خفیہ سرنگ کے ذریعے کروڑوں روپے کی تیل چوری پکڑی گئی
24 جنوری ، 2024
پاکستان کسٹمز انٹیلی جنس نے کراچی میں نان ڈیوٹی پیڈ زیر زمین لائن سے ایک آئل ملز میں سرنگ بنا کر تیل چوری کا انوکھا کیس پکڑا ہے۔
کسٹمز انٹیلی جنس نے آج صبح بن قاسم کے علاقے میں کارروائی کی جہاں نان ڈیوٹی ڈیزل وائٹ آئل پائپ لائن سے چوری کر کے مارکیٹ میں فروخت کیا جا رہا تھا۔
حکام کے مطابق خفیہ اطلاع پر کسٹمز انٹیلی جنس نے کراچی میں مشتبہ صنعتی احاطے پر نگرانی شروع کر رکھی تھی اور اس دوران کراچی میں پورٹ قاسم کے قریب خوردنی تیل نکالنے والی ملز انتظامیہ چوری میں ملوث پائی گئی۔
کسٹمز حکام کا بتانا ہے کہ چھاپہ مار کارروائی کے دوران آئل ملز کے احاطے میں 174 فٹ لمبی خفیہ سرنگ پکڑی گئی، خفیہ سرنگ کے ذریعے پائپ لائن سے نان پیڈ ڈیزل چوری کیا جا رہا تھا۔
حکام کا کہنا ہے کہ موقع پر 65000 لیٹر نان ڈیوٹی پیڈ چوری شدہ ڈیزل برآمد کر لیا گیا جس کی مالیت تقریباً 20 ملین روپے بنتی ہے اور کارروائی میں مل مالک کو بھی گرفتار کر لیا گیا جن سے تفتیش کی جائے گی کہ یہ چوری کب سے جاری ہے-
کسٹمز انٹیلی جنس ذرائع کا بتانا ہے کہ خفیہ سرنگ کے ذریعے اربوں روپے کے تیل کی چوری کا شبہ کیا جا رہا ہے۔
مزید خبریں :
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
