حماد اظہر کا والد اور سابق گورنر پنجاب میاں اظہر کی گرفتاری کا دعویٰ

پاکستان تحری انصاف کے رہنما اور سابق وفاقی وزیر حماد اظہر نے الزام عائد کیا ہے کہ ان کے والد اور سابق گورنر پنجاب میاں اظہر ایڈووکیٹ کو گرفتار کر لیا گیا ہے۔

حماد اظہر نے سوشل میڈیا پر جاری بیان میں لکھا کہ بزدل لاڈلے اور خوفزدہ حکومت کے حکم پر میرے والد کو گرفتار کر لیا گیا ہے۔

حماد اظہر نے کہا کہ 82 سالہ میاں اظہر کو این اے 129 لاہور میں ریلی نکالنے پر گرفتار کیا گیا ہے۔

دوسری جانب جماعت اسلامی کے رہنما فرید پراچہ نے سابق گورنر پنجاب میاں محمد اظہر کی گرفتاری کی مذمت کرتے ہوئے کہا کہ میاں اظہر بزرگ سیاستدان اور شریف النفس شخصیت ہیں۔