کراچی میں ہلکی بارش کا امکان

کراچی میں آئندہ  24 گھنٹوں کے دوران کہیں کہیں بوندا باندی اور ہلکی بارش کا امکان ہے۔

محکمہ موسمیات کے مطابق گزشتہ 24 گھنٹوں کے دوران کراچی میں کم سے کم درجہ حرارت 13.5ڈگری سینٹی گریڈریکارڈ کیا گیا، ہوا میں نمی کا تناسب 90 فیصد ہے  جب کہ شمال مشرق سے ہلکی رفتار سے ہوائیں چل رہی ہیں۔

ملک کے مختلف حصوں میں بارش، طویل خشک موسم کا خاتمہ

ملکہ کوہسار مری میں بارش اور برفباری کا سلسلہ شروع ہوچکا ہے،کوئٹہ سمیت بلوچستان کے متعدد علاقوں میں بارشیں جاری ہیں

محکمہ موسمیات  کا بتانا ہے کہ شہر میں   آئندہ 24 گھنٹوں کے دوران مطلع جزوی ابر آلود رہنے کا امکان ہے، آئندہ 24 گھنٹوں کے دوران کہیں کہیں ہلکی  بوندا باندی اور ہلکی بارش کا امکان ظاہر کیا ہے۔

محکمہ موسمیات کے مطابق کراچی میں کم سے کم درجہ حرارت 12 سے 14ڈگری سینٹی گریڈ  اور  زیادہ سے زیادہ 25 سے27ڈگری سینٹی گریڈ تک رہنے کا امکان ہے۔