29 جنوری ، 2024
اسلام آباد کی ڈسٹرکٹ اینڈ سیشن کورٹ نے جنسی ہراسگی کا نشانہ بننے والی طیبہ گل کا سابق ڈی جی نیب شہزادسلیم کے خلاف ہتک عزت کا فوجداری کیس قابل سماعت قرار دے دیا۔
شہزادسلیم کی جانب سے میڈیا پر ہتک آمیز الزامات لگانے پر طیبہ گل نے عدالت سے رجوع کیا تھا۔
دوران سماعت عدالت نے کہا کہ ایس ایس پی کی رپورٹ میں شہزادسلیم کے خلاف فوجداری کارروائی کرنے کا ثبوت نہیں ملا۔
وکیل صفائی نے عدالت میں بتایا کہ شہزادسلیم نے میڈیا پر ادا کیےگئے الفاظ کی تردید نہیں کی، شہزادسلیم نے الزامات کو بڑھا چڑھا کر بیان کرنا قراردیا لیکن تردید نہیں کی۔
عدالت نے کہا کہ ایس ایس پی رپورٹ میں بھی شہزادسلیم نے طیبہ گل کے خلاف اپنے بیان کی تردید نہیں کی گئی لہٰذا بادی النظر میں شہزاد سلیم کے خلاف ہتک عزت کی دفعات کے تحت کیس بنتا ہے۔
بعد ازاں ایڈیشنل سیشن جج محمد سہیل نےطیبہ گل کی درخواست منظور کرتے ہوئے فریقین کو نوٹسز جاری کردیے اور 15فروری کو سابق ڈی جی نیب شہزادسلیم کو ذاتی حیثیت میں طلب کرلیا۔