کراچی کے مختلف علاقوں میں ایک بار پھر بارش

کراچی  میں منگل کی صبح ہونے والی بارش کے بعد ایک بار پھر شہر کے مختلف علاقوں بادل برسے ہیں۔

رپورٹ کے مطابق اورنگی، کورنگی، لانڈھی، سرجانی ٹاؤن، نیو کراچی ،نارتھ کراچی، ایف بی ایریا، احسن آباد، سپرہائی وے پر بارش ہوئی ہے۔

صدر، آئی آئی چندریگر روڈ، اولڈ سٹی ایریا میں بوندا باندی ہوئی ہے۔اس کے علاوہ نارتھ نیو ملیر  ڈیفنس اور کلفٹن میں بھی بادل برسے ہیں۔

محکمہ موسمیات کے مطابق 24 گھنٹوں کے دوران مطلع جزوی ابر آلود رہنے کا امکان ہے، اس کے ساتھ ہی شہر میں بوندا باندی اور ہلکی بارش کی بھی پیش گوئی کی گئی ہے۔

محکمہ موسمیات کے مطابق آئندہ 24 گھنٹوں میں شہر کا کم سے کم درجہ حرارت 14 سے 16ڈگری سینٹی گریڈ تک رہنے کا امکان ہے۔

کراچی میں صبح ہونے والی بارش کے بعد بادل ایک بار پھر برسنے کو تیار

شہر کا کم سے کم درجہ حرارت 18ڈگری سینٹی گریڈ ریکارڈ ہوا جب کہ زیادہ سے زیادہ درجہ حرارت 26 سے 28 ڈگری سینٹی گریڈ کے درمیان رہنے کا امکان ہے

ہوا میں نمی کا تناسب 85 فیصد ہے اور شمال مشرق سے ہلکی رفتار سے ہوائیں چل رہی ہیں۔

دوسری جانب موسمیاتی تجزیہ کار نے بتایا کہ مغربی سسٹم کے زیر اثر ہوا میں نمی بڑھنے سے سردی کم ہوئی ہے۔