30 جنوری ، 2024 
پاکستان
بانی پی ٹی آئی کا مشن غربت کا خاتمہ نہیں غریب کو غریب تر بنانا تھا ، سابق حکومتوں نے قرضے لے کر ملک کا خانہ خراب کیا: سربراہ پی ٹی آئی پی— فوٹو:فائل
عمران کو غرور اور تکبر کی سزا ملی، سائفر کیس میں سزا کے وہ خود ذمہ دار ہیں: پرویز خٹک
30 جنوری ، 2024
پاکستان تحریک انصاف (پی ٹی آئی) پارلیمنٹیرینز کے سربراہ پرویز خٹک نے کہا ہے کہ عمران خان کو غرور اور تکبر کی سزا ملی۔
نوشہرہ میں انتخابی جلسے سے خطاب میں پرویز خٹک کا کہنا تھاکہ بانی پی ٹی آئی عمران خان کا مشن غربت کا خاتمہ نہیں غریب کو غریب تر بنانا تھا۔
انہوں نے کہا کہ سابق حکومتوں نے قرضے لیکر ملک کا خانہ خراب کیا۔
عمران خان کی سزا سے متعلق پرویز خٹک نے کہا کہ بانی پی ٹی آئی کو غرور اور تکبر کی سزا ملی، سائفر کیس میں سزا ملنے کے وہ خود ذمہ دار ہیں۔
خیال رہے کہ آفیشل سیکرٹ ایکٹ کی خصوصی عدالت نے آج سائفر کیس میں پاکستان تحریک انصاف (پی ٹی آئی) کے بانی عمران خان اور سابق وزیر خارجہ شاہ محمود قریشی کو 10،10 سال قید کی سزا سنائی ہے۔
