31 جنوری ، 2024 
امیدواروں کا انتقال: این اے 8 باجوڑ، پی کے 22 اور 91 پر الیکشن ملتوی
31 جنوری ، 2024
الیکشن کمیشن آف پاکستان نے قومی اسمبلی کے حلقہ این اے 8 باجوڑ، خیبرپختونخوا کی نشستوں پی کے 22 اور پی کے 91 پر الیکشن ملتوی کردیا گیا۔
باجوڑ میں آج نامعلوم افراد کی فائرنگ سے این اے 8 اور پی کے 22 سے آزادامیدوار ریحان زیب خان جاں بحق ہوگئے تھے۔
پولیس نے بتایاکہ ریحان زیب الیکشن مہم کے سلسلے میں صدیق آباد پھاٹک پرموجود تھے جہاں انہیں نشانہ بنایا گیا۔
آزاد امیدوار ریحان زیب کے قتل کے بعد اب این اے 8 اور پی کے 22 پر الیکشن ملتوی کیاگیا ہے۔
آر او نے باقاعدہ نوٹیفکیشن جاری کردیا۔
دوسری جانب پی کے 91 کوہاٹ 2 میں انتخابی امیدوار کی وفات پرحلقےمیں الیکشن ملتوی کردیے گئے۔
الیکشن کمیشن کے مطابق پی کے 91 کوہاٹ میں انتخابات ملتوی کردیے گئے، پی کے 91کے امیدوار عصمت اللہ خٹک 30 جنوری کو فوت ہوئے۔
ریٹرننگ آفیسر پی کے 91 عرفان اللہ نے پبلک نوٹس جاری کردیا۔
