موبائل فون سروس بند کرنا الیکشن دھاندلی کی ابتدا ہے: مصطفٰی نواز کھوکھر

اسلام آباد سے قومی اسمبلی کے حلقہ این اے 47 اور 48 سے آزاد امیدوار مصطفیٰ نواز کھوکھر کا کہنا ہے کہ ملک بھر  میں موبائل فون بند کرنا الیکشن دھاندلی کی ابتدا ہے۔

ملک بھر میں عام انتخابات کے دوران پولنگ کا عمل شروع ہونے سے قبل اسلام آباد، راولپنڈی، لاہور، پشاور اور کراچی سمیت مختلف شہروں میں موبائل فون سروس معطل اور انٹرنیٹ سروس متاثر ہونے کی شکایات سامنے آئیں۔

اس حوالے سے ترجمان وزارت داخلہ کا کہنا ہے کہ ملک بھر میں موبائل فون سروس عارضی طور پر معطل کرنے کا فیصلہ کیا گیا ہے، ملک میں دہشتگردی کے حالیہ واقعات میں قیمتی جانوں کا ضیاع ہوا ہے اسی لیے امن و امان قائم رکھنے اور ممکنہ خطرات سے نمٹنے کیلئے حفاظتی اقدامات ضروری ہیں۔

اس حوالے سے اپنے بیان میں آزاد امیدوار  مصطفیٰ نواز کھوکھر نے کہا کہ امیدواروں کا ایجنٹس اور انتخابی مشینری سے رابطہ کاٹنا زیادتی ہے۔

انہوں نے کہا کہ ملک بھر میں موبائل فون سروس بند کرنا دھاندلی کی ابتدا ہے، کچھ عرصے سے پولیس گردی کا بھی سامنا ہے، جب کہیں سے اطلاع آئے گی دیر ہو چکی ہو گی۔

سابق سینیٹر مصطفیٰ نواز کھوکھر نے یہ بھی کہا کہ دھونس اور دھاندلی کے الیکشنز کسی صورت منظور نہیں ہیں، چیف الیکشن کمشنر نے کہا کہ ٹی وی سے پتا چلا موبائل فون سروسز بند ہیں، یہاں ایک چیف الیکشن کمشنر کا یہ حال ہے، فون سروسز کا بند ہونا امیدواروں کے ساتھ زیادتی ہے۔

مصطفی نواز کھوکھر نے کہا کہ ایک سیاسی جماعت کے لیے راستہ کھولا گیا ہے، اسٹیٹ مشنیری پہلے سے ہی ایک جماعت کے لیے کام کر رہی ہے، موبائل فون کی بندش پری پول ریگنگ کا آغاز ہے، پری پول کا ماحول تو خراب کیا ہی تھا آج پولنگ ڈے بھی خراب کر دیا، تمام انتخانات کے عمل پر شدید سوالیہ نشان ڈال دیا ہے۔

 Constituency | Pakistan Election 2024 | Election Results | NA

ملک بھر میں موبائل فون سروس عارضی طور پر معطل کرنے کا فیصلہ

امن و امان قائم رکھنے اور ممکنہ خطرات سے نمٹنے کیلئے حفاظتی اقدامات ضروری ہیں: ترجمان وزارت داخلہ

الیکشن کمیشن وزارت داخلہ کو انٹرنیٹ سروسز سے متعلق کوئی ہدایات نہیں دے گا: چیف الیکشن کمشنر

ہم کہیں موبائل سروس کھول دیں اور دہشتگردی کا کوئی واقعہ ہوجائے تو کون ذمہ دار ہوگا؟ چیف الیکشن کشمنر سکندر سلطان راجا