خالد مقبول صدیقی نے کراچی سے میدان مار لیا

متحدہ قومی موومنٹ پاکستان کے کنوینر ڈاکٹر خالد مقبول صدیقی نے کراچی کے حلقہ   این اے 248 کراچی سینٹرل 2سے میدان مار لیا۔

حلقہ این اے 248 کراچی سینٹرل 2 کے غیر حتمی غیر سرکاری نتیجے کے مطابق تمام  361 پولنگ اسٹیشنز کے نتیجے میں متحدہ قومی موومنٹ پاکستان کے ڈاکٹر خالد مقبول 71536 ووٹ لے کر کامیاب ہوئے۔

آزاد امیدوار ارسلان خالد 58246 ووٹ لیکر دوسرے نمبر پر رہے۔

عام انتخابات کیلئے پولنگ کا عمل جمعرات کو  صبح 8 بجے سے شام 5 بجے تک جاری رہا اور کروڑوں افراد نے اپنا حق رائے دہی استعمال کیا۔

عام انتخابات: پی ٹی آئی حمایت یافتہ آزاد امیدوار 76، ن لیگ 55 اور پی پی قومی اسمبلی کی 43 نشستوں پرکامیاب

این اے 30 پشاور سے پی ٹی آئی حمایت یافتہ آزاد امیدوار شاندانہ گلزار اور این اے 202 سے پی پی کی نفیسہ شاہ کامیاب قرار پائیں، انتخابی دنگل میں بڑے اپ سیٹ کا امکان ہے

ملک میں موبائل فون اور انٹرنیٹ سروسز بند رہیں جس کے باعث امیدواروں اور ووٹرز کو مشکلات کا سامنا رہا۔

 ملک میں عام انتخابات میں پولنگ کے بعد نتائج آنے کا سلسلہ جاری ہے اور اب تک قومی اسمبلی کے حلقوں کے غیر سرکاری و غیر حتمی نتیجے سامنے آئے ہیں۔