10 فروری ، 2024 
خیبرپختونخوا میں حکومت سازی کیلئے پی ٹی آئی کا جماعت اسلامی سے رابطہ
10 فروری ، 2024
پاکستان تحریک انصاف کے حمایت یافتہ آزاد امیدواروں کی کامیابی کے بعد بیرسٹر سیف نے خیبرپختونخوا میں حکومت سازی کیلئے جماعت اسلامی سے رابطہ کرلیا۔
ذرائع کے مطابق حکومت سازی کیلئےکے پی میں آزاد اراکان کی جماعت اسلامی سےبات چیت ہوئی ہے۔
جیو نیوز سے گفتگو میں جماعت اسلامی پشاور کے امیر بحراللہ خان ایڈووکیٹ نے رابطوں کی تصدیق کی۔
انہوں نے کہا کہ پی ٹی آئی قیادت سے پہلےباضابطہ رابطےکی تصدیق کرتا ہوں، پی ٹی آئی کے بیرسٹر سیف اور میرا رابطہ ہوا ہے۔
ان کا کہنا تھاکہ بیرسٹر سیف سے تمام امور پر بات چیت ہوئی۔
خیال رہے کہ خیبرپختونخوا اسمبلی کے اب تک کے نتائج کے مطابق 81 تحریک انصاف کے حمایت یافتہ آزاد امیدوار کامیاب ہوئے ہیں جبکہ جمعیت علمائے اسلام 7، ن لیگ 5، پیپلزپارٹی 4 اور جماعت اسلامی نے 3 نشستیں جیتی ہیں۔
