14 فروری ، 2024 
پاکستان
پی پی کے خلاف مربوط حکمت عملی کے لیے جلد جی ڈی اے کی قیادت کے علاوہ جے یو آئی (ف) سے بھی ملاقات کا فیصلہ کیا گیا ہے/ فائل فوٹو
ایم کیو ایم پاکستان کا سندھ میں پی پی کو ٹف ٹائم دینے کا فیصلہ
14 فروری ، 2024
کراچی: ایم کیو ایم پاکستان نے سندھ میں پی پی کو ٹف ٹائم دینے کا فیصلہ کرتے ہوئے سندھ اسمبلی میں بھر پور کردار ادا کرنے کا فیصلہ کیا ہے۔
ایم کیو ایم کے ذرائع کا کہنا ہے کہ ایم کیو ایم نے پی پی کے خلاف مربوط حکمت عملی کے لیے جلد جی ڈی اے کی قیادت کے علاوہ جے یو آئی (ف) سے بھی ملاقات کا فیصلہ کیا ہے۔
ذرائع کے مطابق سندھ میں پی پی حکومت شہری علاقوں کیلئے پھر مسائل اور نا انصافی کو جنم دے گی، ایم کیو ایم سندھ اسمبلی میں اپوزیشن جماعتوں کے ساتھ رابطہ کرے گی، سندھ اسمبلی میں ارکان کے اعتبار سے دوسری بڑی جماعت ہونے کی وجہ سے اپوزیشن لیڈر ایم کیو ایم کا ہی ہوگا۔
