15 فروری ، 2024 
پیٹرول اور ڈیزل آج مہنگا ہونے کا امکان
15 فروری ، 2024
اسلام آباد: نگران حکومت 16 فروری 2024 سے شروع ہونے والے اگلے 15 دن کے لیے ایکسچینج ایڈجسٹمنٹ کے بعد پیٹرول اور ڈیزل کی قیمت میں اضافہ کر سکتی ہے۔
سرکاری ذرائع نے دی نیوز کو بتایا کہ پیٹرولیم مصنوعات کی قیمتوں میں اہم اضافہ بحیرہ احمر میں تیل کے جہازوں اور دیگر بحری جہازوں کی نقل و حرکت پر حوثیوں کے مسلسل حملوں کی وجہ سے خوفناک صورتحال ہے۔
تاہم، ایکسچینج ایڈجسٹمنٹ کے بغیر پیٹرول کی قیمت میں 1.97 روپے فی لیٹر اضافے کا امکان ہے جس کی ایکس ڈپو سیل قیمت 272.89 روپے فی لیٹر سے بڑھ کر 274.86 روپے فی لیٹر ہو جائے گی۔
اسی طرح بغیر ایکسچینج ایڈجسٹمنٹ کے ڈیزل کی قیمت 9.20 روپے فی لیٹر اضافے سے 278.96 روپے سے بڑھ کر 288.16 روپے فی لیٹر ہونے کا امکان ہے۔
مٹی کے تیل کی قیمت بھی 1.57 روپے فی لیٹر اضافے کے ساتھ 186.62 روپے فی لیٹر سے بڑھ کر 188.19 روپے فی لیٹر ہونے کا امکان ہے اگر ڈالر اور روپے کے تبادلے کو ایڈجسٹ نہ کیا گیا۔
سرکاری ذرائع کا بتانا ہے کہ ایکسچینج ایڈجسٹمنٹ کے بعد نگران حکومت پیٹرول کی قیمت میں 1.47 روپے فی لیٹر اور ہائی اسپیڈ ڈیزل (ایچ ایس ڈی)کی قیمت میں 7.50 روپے فی لیٹر کا اضافہ کر سکتی ہے۔
مزید خبریں :
دو روز کی کمی کے بعد فی تولہ سونا یکدم سیکڑوں روپے مہنگا ہوگیا
21 دسمبر ، 2024
پاکستان میں سونے کی درآمدات تاریخ کی بلند ترین سطح پر پہنچ گئیں
20 دسمبر ، 2024
ملک میں سونا مزید سستا ہوگیا
20 دسمبر ، 2024
انٹربینک میں ڈالر پھر مہنگا ہوگیا
20 دسمبر ، 2024
انٹربینک میں روپے کے مقابلے ڈالر کی قدر میں اضافہ
19 دسمبر ، 2024
