عقیدہ ختم نبوت ہر مسلمان کا معاملہ ہے، انتشار پھیلانے والوں کو روکاجائے: طاہر اشرفی

چیئرمین پاکستان علما کونسل حافظ طاہر اشرفی کا کہنا ہے کہ عقیدہ ختم نبوت ہر مسلمان کا معاملہ ہے ، کچھ لوگوں نے عقیدہ ختم نبوت پر بھی سیاست کی، ابہام دور کرکے انتشار پھیلانے والوں کو روکاجائے۔

اسلام آباد میں نگران وزیراطلاعات مرتضیٰ سولنگی اور چیئرمین پاکستان علما کونسل حافظ طاہر اشرفی نے مشترکہ پریس کانفرنس کی۔

پریس کانفرنس میں حافظ طاہر اشرفی نے کہا کہ عقیدہ ختم نبوت ہر مسلمان کا معاملہ ہے ،  جس نے کلمہ پڑھا ہے وہ عقیدہ ختم نبوت کا محافظ ہے ، شر پھیلانے والوں کو بتانا چاہتا ہوں کہ یہ قانونی معاملہ ہے۔

طاہر اشرفی کا کہنا تھا کہ  کچھ لوگوں نے عقیدہ ختم نبوت پر بھی سیاست کی، ابہام دور کرکے انتشار پھیلانے والوں کو روکاجائے۔

نبیﷺکے بعد معاملہ ختم، اب ہمیں ان ہی سے رہنمائی لینی ہے، وہ ہدایت کا سر چشمہ ہیں: چیف جسٹس

انسان کے لیے قرآن پاک میں خلیفہ فی الارض کا لفظ استعمال کیا گیا، رسول پاک ﷺآخری نبی، رحمتہ اللعالمین اور ہدایت کا سرچشمہ ہیں: چیف جسٹس قاضی فائز عیسیٰ

اس کے علاوہ نگران وزیراطلاعات مرتضیٰ سولنگی نے کہا کہ حکومت سوشل میڈیا پر غیر قانونی سرگرمیوں پر سخت کارروائی کرےگی،  اظہار رائے کی آزادی قانون کے دائرے میں ہے ، سوشل میڈیا پر کچھ لوگ عوام کو اکسا رہے ہیں، کسی کو ملک کا امن و امان خراب خراب کرنے کی اجازت نہیں دیں گے۔

مرتضیٰ سولنگی نے کہا کہ سوشل میڈیا پلیٹ فارمز کمپنیاں پروپیگنڈے کی روک تھام کے اقدامات کریں۔