23 فروری ، 2024 
پاکستان
بجائے عزت کے ساتھ اپنی شکست تسلیم کریں، شکست خوردہ افراد جھوٹ بولنے پر اتر آئے ہیں: چیئرمین پی پی/ فائل فوٹو
بلاول نے دھاندلی کا الزام لگانے والوں کے خلاف قانونی چارہ جوئی کا اعلان کردیا
23 فروری ، 2024
پاکستان پیپلزپارٹی کے چیئرمین بلاول بھٹو زرداری نے خود پر دھاندلی کا الزام لگانے والوں کے خلاف قانونی چارہ جوئی کا اعلان کردیا۔
بلاول بھٹو زرداری نے اپنے انتخابی حلقے کے تمام فارم 45 عوام کے سامنے رکھ دیے اور کہا کہ فارم 47 کے مطابق میں نے ایک لاکھ 35 ہزار 112 ووٹ لیے ہیں جو میری حریف پر ایک لاکھ سے زیادہ کی برتری ہے۔
انہوں نے کہا کہ این اے 194 سے ایک فراڈیے نے لاڑکانہ میں میری کامیابی کو دھاندلی سے تعبیر کرنے کا دعویٰ کیا ہے۔
چیئرمین پی پی کا کہنا تھا کہ بجائے عزت کے ساتھ اپنی شکست تسلیم کریں، شکست خوردہ افراد جھوٹ بولنے پر اتر آئے ہیں، یہ ان افراد سے ناانصافی کررہے ہیں جن کے الزمات جائز نوعیت کے ہیں۔
