سنی اتحاد کونسل نے پنجاب اسمبلی کے اسپیکراور ڈپٹی اسپیکر کیلئے امیدواروں کا اعلان کردیا

سنی اتحاد کونسل نے پنجاب اسمبلی کے اسپیکراورڈپٹی اسپیکرکے امیدواروں کا اعلان کردیا۔

پنجاب اسمبلی کے اجلاس کے بعد عامر ڈوگر نے بتایا کہ احمد خان بچھر اسپیکر اور معین ریاض قریشی ڈپٹی اسپیکرکے امیدوار ہوں گے۔

انہوں نے یہ دعویٰ بھی کیا کہ ان کے وزیراعلیٰ کے امیدوار میاں اسلم اقبال کو گرفتار کرلیا گیا ہے۔

ن لیگ کی جانب سے ملک احمد خان نے اسپیکر پنجاب اسمبلی کیلئے کاغذات نامزدگی جمع کروا دیے گئے ہیں۔

ن لیگ کے ملک احمد خان نے اسپیکر پنجاب اسمبلی کیلئے کاغذات نامزدگی جمع کروا دیے

ڈپٹی اسپیکر کیلئے مسلم لیگ ن کے ظہیر اقبال چنڑ اور سنی اتحاد کونسل کے معین ریاض قریشی نے کاغذات نامزدگی جمع کرائے، اسپیکر و ڈپٹی اسپیکر کا انتخاب کل ہوگا۔

واضح رہے کہ نو منتخب اراکین پنجاب اسمبلی نے جمعہ کو حلف اٹھا لیا، اسپیکر و ڈپٹی اسپیکر کا انتخاب کل ہوگا۔